Traballadores desprazados

Como norma xeral, os traballadores desprazados están sometidos á lexislación de Seguridade Social do país en cuxo territorio estean a exercer a súa actividade laboral. Agora ben, se se trata dun traslado temporal poden manter a lexislación española de Seguridade Social nos termos e requisitos que se indican a continuación:

Aplícase aos traballadores de calquera nacionalidade.

Desprazamento Inicial

Os traballadores por conta allea que exercen a súa actividade nunha empresa española que os despraza aos Estados Unidos para realizar a súa actividade alí temporalmente han solicitar ante a Dirección Provincial da Tesourería Xeral da Seguridade Social ou administracións dela a expedición do correspondente certificado de desprazamento.

Os traballadores por conta propia non poden acollerse ao disposto neste apartado para que nos seus desprazamentos aos Estados Unidos superiores a 90 días poidan manter a lexislación española de Seguridade Social. Así e todo, poden realizar a súa solicitude de acordo co establecido no apartado "Outras excepcións".

Formulario que hai que tramitar

A empresa efectuará a súa solicitude mediante o modelo TA.300 "Solicitude de información sobre a lexislación de Seguridade Social aplicable" e acompañará o formulario E/USA-1 "Certificación relativa á lexislación aplicable" cuberto en triplicado exemplar.

O formulario expedido pola Dirección Provincial ou Administración correspondente certifica que o traballador continúa sometido á lexislación española de Seguridade Social durante o seu desprazamento nese país e, en consecuencia, está exento de cotizar á Seguridade Social estadounidense.

Para os desprazamentos dos artistas do Réxime Xeral ou Autónomos en xira polos Estados Unidos, cuxo período de actividade nese país non supere os noventa días, expedirase o formulario E/USA-1 A, exclusivo para persoas que realicen esta actividade por un período inferior ao citado.

Período que hai que autorizar

O prazo máximo de duración do desprazamento é de cinco anos.

Prórroga ordinaria

Se os traballadores por conta allea deben prolongar a súa estancia nese país máis alá dos cinco anos inicialmente previstos, o empresario deberá solicitar con suficiente antelación á finalización do período autorizado, a prórroga do mantemento da lexislación española de Seguridade Social ante a Subdirección Xeral de Afiliación, Cotización e Xestión do Sistema RED da Tesouraría Xeral da Seguridade Social.

Formulario que hai que tramitar

A solicitude de prórroga deberá efectuarse no modelo TA.300 "Solicitude de información sobre a lexislación de Seguridade Social aplicable e achegarase o formulario E/USA.1". Certificado de lexislación aplicable.

A Subdirección Xeral de Afiliación, Cotización e Xestión do Sistema RED da Tesouraría Xeral da Seguridade Social, logo de acordo entre o empregador e traballador, expedirá o formulario E/USA.1 sen o consentimento da Seguridade Social americana.

Período que se autoriza.

O prazo máximo da prórroga é de dous anos.

Outros Desprazamentos

Direccións Provinciais ou Administracións da Tesouraría Xeral da Seguridade Social.

Serán os órganos competentes para autorizar os desprazamentos relativos a:

Persoal itinerante das empresas de transporte aéreo con sede en España que exerce a actividade nos dous países.
Tripulación de buques con bandeira española.

A autorización expedirase a través do modelo E/USA-1 , "Certificación relativa á lexislación aplicable". A empresa, xunto a este formulario cuberto en triplicado exemplar, acompañará a solicitude |TA -300.

Subdirección Xeral de Afiliación, Cotización e Xestión do Sistema RED.

Para os desprazamentos de:

Españois que exercen a súa actividade nas Misións Diplomáticas ou Oficinas consulares de España nos Estados Unidos ou noutros Organismos dependentes do Goberno español.

A Subdirección Xeral de Afiliación, Cotización e Xestión do Sistema RED da Tesouraría Xeral expedirá, a petición do Organismo Público de envío, o formulario E/USA-1

Outras excepcións

A tramitación das solicitudes doutras excepcións é levada a cabo pola Subdirección Xeral de Afiliación, Cotización e Xestión do Sistema RED da Tesouraría Xeral da Seguridade Social.

A empresa ou traballador por conta propia efectuarán a súa solicitude mediante o modelo TA.300; "Solicitude de información sobre a lexislación de Seguridade Social aplicable".

Dada a conformidade por parte da Seguridade Social dos Estados Unidos, a Subdirección Xeral de Afiliación, Cotización e Xestión do Sistema RED da Tesouraría Xeral da Seguridade Social expedirá o formulario E/USA.1, que acredita que o traballador continúa sometido á Seguridade Social española durante o período que foi autorizado.

A tramitación das solicitudes relativas aos traballadores dos medios de comunicación realízase ante a Subdirección Xeral de Afiliación, Cotización e Xestión do Sistema RED da Tesouraría Xeral, que expedirá o formulario E/USA.1. O período máximo para estes desprazamentos é de nove anos.

Para os traballadores autónomos que exercen a súa actividade en ambos os dous países e que só están sometidos á lexislación española por ter residencia en España, será emitido pola Subdirección Xeral de Afiliación, Cotización e Xestión do Sistema RED da Tesouraría Xeral da Seguridade Social o formulario E/USA.1, durante os seus desprazamentos ao outro país sen límite de tempo pero sempre e cando non estean obrigados a ter residencia nos Estados Unidos.