Falsos avisos de notificacións suplantando á Seguridade Social

Detectáronse campañas recorrentes, que adoitan concentrarse nuns determinados intervalos de tempo (as últimas detectáronse nos meses de novembro-decembro de 2024 e marzo-abril de 2025), onde se suplanta á Seguridade Social ou a algunha das súas entidades (como TXSS, INSS, ISM).

Como se levan a cabo?

Mediante o envío de correos electrónicos con aparencia de avisos para acceder ás notificacións electrónicas, pero que resultan ser falsos.

A quen se dirixen?

Os destinatarios adoitan ser persoas físicas ou xurídicas adscritas a autorizacións RED. Polo xeral, son estas autorizacións as que nos comunican a detección destes correos fraudulentos.

Para que?

Ao premer sobre a ligazón, os autores destas campañas poderían obter información sobre contrasinais ou claves electrónicas e así suplantar a personalidade dos destinatarios.

Que recomendamos?

Aconsellamos desconfiar destes correos que enlazan con direccións electrónicas falsas, aparentando ser a administración da Seguridade Social e esixen completar os contrasinais ou claves de acceso.

Como podemos identificar se son fraudulentos?

Adoitan conter faltas de ortografía, frases inacabadas ou mal redactadas, logos en desuso ou pixelados, prazos moi reducidos e incorrectos para actuar, de forma que incitan a actuar con celeridade e présa.

Recomendacións e recursos

En caso de dúbida, recoméndase chamar aos teléfonos oficiais da Seguridade Social para comprobar se a comunicación é real ou non. Tamén está dispoñible a web do Instituto Nacional de Ciberseguridade (INCIBE) con máis información.