Os traballadores por conta allea incluídos nalgún dos Réximes do Sistema polo exercicio de traballos de tempada levados a cabo nunha actividade que teña ese carácter, polo período que medie entre dúas temporadas consecutivas.

Os traballadores de tempada que presten servizos en empresas dedicadas ás actividades de manipulación, envasado e comercialización de froitas e hortalizas e de fabricación de conservas vexetais, incluídos nos Sistemas Especiais de Froitas e Hortalizas e de Conservas Vexetais do Réxime Xeral da Seguridade Social, que causen baixa no mesmo. 

- Por adquirir o interesado a condición de pensionista de xubilación ou incapacidade permanente.

- Por falecemento do interesado.

- Por falta de aboamento das cotas correspondentes a tres mensualidades consecutivas ou cinco alternativas. 

- Por quedar o interesado comprendido no campo de aplicación dalgún Réxime que teña establecido cómputo recíproco de cotizacións co Réxime Xeral da Seguridade Social (sempre que esta circunstancia non dea lugar á suspensión).

- Por decisión do interesado debidamente comunicada á Tesourería Xeral da Seguridade Social.

Para o non establecido no artigo 26 da Orde TAS/2865/2003, do 13 de outubro, este convenio especial regúlase polas normas xerais.