Ingreso Mínimo Vital

Dende o Instituto Nacional da Seguridade Social (INSS) poñerémonos en contacto con vostede para indicarlle a documentación necesaria para resolver a súa solicitude e darlle un prazo para presentala.

Para axilizar as xestións é moi importante que nos indique na súa solicitude un número de teléfono ou enderezo de correo electrónico para poder comunicarnos con vostede, ademais do enderezo do seu domicilio habitual.

Si, tanto se se trata dun beneficiario individual coma dos membros dunha unidade de convivencia, todos deben acreditar residencia legal e efectiva en España de forma continuada e ininterrompida durante polo menos o ano anterior a presentar a solicitude, con excepción de:

• Os menores incorporados á unidade de convivencia por nacemento, adopción, garda con fins de adopción ou acollemento familiar permanente.
• As mulleres vítima de violencia de xénero.

A residencia habitual en España mantense aínda que haxa estancias no estranxeiro que non superen os 90 días cada ano natural ou sexan debidas a causas xustificadas de enfermidade.

A saída e estancia no estranxeiro de calquera membro da unidade de convivencia debe ser comunicada previamente ao Instituto Nacional da Seguridade Social (INSS) indicando a duración desta.

O incumprimento da obriga de comunicar ao INSS as ausencias ou desprazamentos  superiores a tres meses darán lugar á suspensión do pagamento da prestación, sen prexuízo de que leve consigo as sancións oportunas e a obriga de reintegrar as prestacións percibidas.

O pagamento da prestación será mensual e efectúase por transferencia bancaria a unha conta do titular da prestación.

O ingreso mínimo vital é intransferible. Non poderá ofrecerse en garantía de obrigas, nin ser obxecto de cesión total ou parcial, compensación ou desconto, retención ou embargo, salvo as compensacións que se poidan realizar nos pagamentos polo INSS en caso de percibir contías superiores ás que correspondesen de acordo aos criterios e requisitos de fixación dos importes a percibir.

Non, as persoas beneficiarias do ingreso mínimo vital encóntranse exentas da achega dos usuarios á prestación farmacéutica ambulatoria.