Gizarte Segurantza

Eskatutako baldintza nagusiak

Erregimen Berezietako laguntzak jasotzeko eskatzen diren baldintza nagusiak honakoak dira kasu bakoitzean:

• Dagokion Erregimenean altanedo antzeko egoeran egotea. Halere, alta gabeko egoeratik pentsioa jasotzeko eskubidea sor daiteke, ezarritako baldintzak betetzen direnean.
  
  
• Beharrezkoa den kotizatzeko gutxieneko aldia bildutakoan, dagoenean.
  
  
• Kuoten ordainketan egunean izatea, langileak erantzule zuzenak direnekoetan, nahiz eta prestazioa aitortua izan, kotizazioen alde biko zenbatekoaren ondorioz, inoren konturako langileen erregimenean.
  
  Horretarako, ordaintzera gonbidatzeko abuztuaren 20ko 2530/1970 Dekretuaren 28.2 Iart. jarraituko da, prestaziorako sarbidea izan zuen unean edo berau gauzatzen denean, edozein zelarik ere interesduna zegoen Gizarte Segurantzako erregimena.

IGO

Autonomoen edo bere konturako langileen erregimen berezia

Laguntzak Gizarte Segurantzaren Erregimen Orokorreko zehaztapen eta baldintza berdinak dituzte heriotza eta biziraupen prestazioak, ondorengo berezitasunekin:

Laneko kontingentziak (LI eta LG):

Langile autonomoek kontingentzia horiei dagozkien prestazioak baliatu ahal izango dituzte, betiere, beren borondatez jarduera babeslea LI eta LG dagozkien kontingentziak ere txertatuta hobetu badute, edo nahitaez estalita badituzte eta, horrez gain, aurrez edo aldi berean, aldi baterako ezintasunari dagokion prestazioa estalita izatea erabaki badute.

LI kontzeptua:

Langile autonomoak izandako lan-istripua, bere kontura egindako lanaren ondorio zuzen eta berehalakoan gertatutakoa eta erregimen berezi honetan sartu behar izatea mugatzen duena izango da. Horien artean:

• Salbamenduzko ekintzetan edo antzerakoetan gertatutakoetan, batak zein besteak lanarekin zerikusia dutenean.

• Laneko orduan edo lantokian langileak jasandako lesioak, besteentzat egiten duen lanarekin zerikusia duenean.

• Langileak haren lana egitean hartzen dituen gaixotasunak, profesionalak ez izanik, hura burutzearekin zerikusia duela egiaztatzen denean.

• Langileak aurretik izandako gaixotasunak, istripuaren ondorioz larritzen edo okertzen direnean.

• Bere izaeran, iraupenean, larritasunean edo bukaeran eraldatutako istripuaren ondorioak, istripuak eragindako edo gaixotasunarentzat berria den ingurunean hartutako gaixotasunaren prozesuaren ondoriozko arazoak osatzen dituzten tartekatzen diren gaixotasunengatik.

Ez dira LI gisa hartuko honakoak:

• Langilen lantokirako joan-etorrian jasandakoak.
• Lanarekin zerikusirik ez duten ezinbesteko arrazoiek eragindakoak.
• Langilearen dolo edo zuhurtziagabetasunagatik gertatutakoak.

 TRADE kasuan, LItzat hartzen dira langile horiek jarduera profesionalaren eraginez jasaten dituzten gorputzeko lesioak,  lantokirako joan-etorrian jasandakoak edo horien eraginez eta ondorioz jasandakoak. Aurkakorik frogatu ezean, lan-istripuak lanarekin ez duela zerikusirik ulertuko da baldin eta jarduera profesionalaren eremutik kanpo gertatu bada.

LG kontzeptua:

Laneko jardueran langileek beren kontura eginiko lanaren ondoriozko gaixotasunak dira. Hori horrela, erregimen berezi honen aplikazio eremuan dago langilea. Laneko gaixotasunen zerrendan zehaztutako elementuek eta substantziek eragindakoak izaten dira gaixotasun horiek. Gaixotasun horiek eragin ditzaketen jarduera nagusien zerrendak ere badira, azaroaren 10eko 1299/2006 ED Errege Dekretuaren eranskinean.

Gainordaina lan arriskuen prebentzio neurriak ez hartzeagatik:

Lan arriskuen prebentzio neurriak ez hartzeagatik ez da gainordainik aplikatuko.

Oinarri arautzailea:

• Heriotza LIren edo LGren ondoriozkoa bada, gertakizunaren egunean langileak zuen kotizazio oinarriaren baliokidea izango da.

• Kuota-salbuestea denean , kotizatzetik kanpo diren ekitaldi ekonomiko bakoitzeko hilabeteei dagozkien kotizazio-oinarriak ondokoak izango dira: aurreko urte naturaleko kotizazio-oinarrien bataz bestekoa, aipatutako azken urteko KPI aren bariazio-ehunekoa gehituta lortutakoak, horrela kalkulatutako oinarriak langile horientzako Estatuko Aurrekontu Orokorren Legeak urtero finkatutako gutxieneko kotizazio-oinarriak baino txikiagoak izan gabe.
  

Prestazioaren jatorrizko gertakizuna:

• Heriotzaren  egunean, lan kontingentzien ondoriozkoa bada.
• Kausatzailearen heriotzaren hilaren azken egunean.
• Heriotzaren egunean, heriotzarengatik laguntzeko.
• Jaiotza hilaren azken egunean, umezurtz pentsioaren onuraduna   beranduago   jaio bada.
• Eskaera egindako egunean, alta gabeko edo antzerako egoera batetik hartzen denean pentsioa.
  

Ondorio ekonomikoak:

• Heriotza lan kontingentzien ondoriozkoa bada:
  • Heriotzaren  ondorengo eguna, eskakizuna hura gertatu eta hurrengo 3 hileetan aurkezten denean.
  • Bestelakoetan, eskakizuna egin denetik 3 hile egin daitezke atzera, gehienez.
• gainerako kasuetan: Gertakizun kausatzailearen egunetik hurrengo hilearen lehenengo egunean, eskakizuna hurrengo 3 hileetan eskatzen bada.
  

Erregimen honi buruzko informazio gehiago:

•  Prestazio gehiago.
• Oinarrizko araudia.
• Erregimen honen aplikazio eremuan diren pertsonak, afiliazioa, altak eta bajak eta kotizazioa .

IGO

Ikatz Meatzaritzaren Erregimen Berezia

Heriotzak eta biziraupenak sortutako prestazioak Gizarte Segurantzako Erregimen Orokorreko zehaztapen eta baldintza berekin aitortzen dira, ondorengo berezitasunekin:

• Ezintasun iraunkorreko pentsiodunek eragindako prestazioak, baldin eta haien pentsioek erretiroari dagokion zenbateko berria badute, pentsio berriaren eta heriotza zein biziraupen prestazioen zenbatekoak kalkulatzeko erabili den oinarri arautzailearekin bat kalkulatuko dira. Hala zehaztu ostean, ezinduaren pentsioaren zenbateko berria kausatu duen gertakariaren egunetik hona izan diren hobekuntzak eta errebalorizazioak gehituko zaizkio, edota uko egindako pentsioa kausatu zuen gertakariaz geroztikoak bestela.

• Kausatzailearen erretiro pentsiodun izaerak ez du eragotziko heriotza laneko istripuak edota gaixotasunak eragina izan dela zehaztea, alor horretako araudiari jarraiki. Hala zehaztuz gero, gertakari horiei dagozkien heriotza eta biziraute prestazioak bakarrik kausatuko dira.

• Erregimen honi buruzko informazio gehiago:

• Prestazio gehiago.
• Oinarrizko araudia.
• Erregimen honen aplikazio eremuan diren pertsonak, afiliazioa, altak eta bajak eta kotizazioa.

IGO

Itsasoko Langileen Erregimen Berezia

Prestazioak Gizarte Segurantzaren Erregimen Orokorreko zehaztapen eta baldintza berberetan ematen dira.

Erregimen honi buruzko informazio gehiago:

• Prestazio gehiago.
• Oinarrizko araudia.
• Erregimen honen  aplikazio eremuan diren pertsonak afiliazioa, altak eta bajak eta kotizazioa.

Izapideak: ISMko (Itsasoko Gizarte Institutoa) Zuzendaritza Probintzialak eta Tokikoak

IGO