Gizarte Segurantza

Nortzuk kotizatu behar dute Gizarte Segurantzan?

Erregimen Orokorreko norbere konturako enpresariak eta langileak.

IGO

Kotizatzeko betebeharraren Hasiera eta Amaiera.

Kotizatzeko betebeharra lana egiten hasten den unean bertan hasten da, eta ez da amaitzen enpresaburuaren eta langilearen arteko lan harremanak irauten duen bitartean. Aldi baterako ezintasun, haurdunaldia bitarteko arriskua eta edoskitze naturala bitarteko arrisku, amatasun eta aitatasuneko atsedenaldi, edo langilearen frogaldi-epeetan ere irauten du.

Kotizatzeko betebeharra lan egitea amatzen denean bukatzen da, beti ere, langilearen baja agiria hurrengo sei egun naturaletan aurkezten denean.

Langilearen baja 6 egun horien ostean aurkezten bada, kotizatzeko betebeharrak jarraitzen du Gizarte Segurantzako Diruzaintza Nagusiak lanuzte hori jakinarazi arte, interesdunek lanuzte hori aurretiaz gertatu zela egiaztatzen dutenean izan ezik.

IGO

Zenbat kotizatu behar da?

Kuota

Kuota Gizarte Segurantzari ordaindu beharreko kopuruak, kuotak deiturikoak, babestutako gertaera bakoitzari dagokion ehunekoa edo kotizazio tasa langilearen kotizazio oinarriari ezarriz kalkulatzen dira.

Kotizazio-oinarria

Kotizazio-oinarria langileak jasotzeko eskubidea duen edo handiagoa izanez, gero benetan jasotzen duen hileko ordainketari aparteko ordainsarien zati proportzionala eta hilabete baino gehiagoko iraungipena duten edo aldizkakoak diren eta lana burutzean jasotzen diren hartzekoak gehituta kalkulatzen da.

Kotizazio-oinarria, gutxienekoak eta gehienekoak

Urtero gutxieneko eta gehieneko kotizazio-oinarriak (hilekoak edota egunekoak) ezartzen dira, langileen kontingentietarako eta lanbide-kategorietarako (kotizazio-taldeak). 2011. urterako ikus  Kotizazio-oinarriak. Laneko istripu eta lanbide-gaixotasunen oinarria Langabezia, Soldatak Bermatzeko Fondo eta Lanbide-Prestakuntzagatiko kotizazioak kalkulatzeko ere erabiltzen da.

Kotizazio-tasa

Kotizazio-tasa Gizarte Segurantzako kuotak lortzeko kotizazio-oinarriei aplikatzen zaien ehunekoa da. Kotizazio-tasa enplegu-emaile eta enplegatuaren artean banatzen da, Laneko Istripu, Lanbide-Gaixotasun eta Soldatak Bermatzeko Fondoari dagozkienak salbu, enpresaren kontura baitira. Kotizazio-tasak Estatuko Aurrekontu Orokorren Legeak ezartzen ditu urtero. 2011. urtean babestutako kontingentzia bakoitzerako kotizazio-tasak ondokoak izango dira:

(1) Kontingentzia aurrunt motak (ABE) 35 urtez kotizatu duten 65 urtetik gorako langileak: % 1,75 (% 1,46 -enpresak- eta % 0,29 -langileak-).

IGO

Kuotak sartzea

Erantzulea:

Enpresaburuak sartu behar ditu bere eta bere langileen kotizazioak, horretarako, langileei soladatak ordaintzeko unean, dagozkien ekarpenak kenduko dizkie.

Legezko epea:

Kuotak sortzen diren hilabetearen hurrengo hilabetean ordainduko dira.

Lekua:

Kuoten ordainketa egiteko kotizazio-dokumentuak Bulego Biltzaile gisa jarduteko baimenduriko edozein Erakunde Finantzariotan (Banku, Aurrezki Kutxa, Kreditu-Kooperatiba edo Baserritarren Kutxa) aurkeztu daitezke.

Aurkeztu beharreko dokumentazioa:

• Kotizazio-buletina (TC-1) 
• Langileen Nomina zerrenda (TC-2).

Epealdi horretan altan langile bakarra duten enpresek "TC-2  LABURTUA" izeneko kotizazio-buletineko laukitxoa bete behar dute. Enpresak baldintzak betetzen baditu bakarrik bete ahal izango da (langile bakarra izatea kitatu beharreko hilabetean, kontratuaren kodean eta LI /LG  epigrafean aldaketarik egin gabe).

Dokumentuen Igorpen Elektronikoa (RED)

Gizarte Segurantzaren Diruzaintza Nagusiko Zuzendaritza Nagusiak baimena eman ahal izango du langileen TC-2 nomina zerrendan dagoen informazioa bitarteko elektronikoen, informatikoen edo telematikoen bidez helarazteko. Aipatutako bideak erabiliz datuak komunikatzeak, arauzko epean kotizazio dokumentuak aurkezteari jarraiki, obligazioa betetzen denentz zehaztuko du.

Sistemaren erabilera RED  sistemak kuotak ordainketa elektroniko edo helbideratze bidez ordaintzea ahalbidetzen du.

Enpresak ordainketa elektronikoko modalitatea  aukeratzen badu, Gizarte Segurantzarekin kolaboratzen duen finantza erakundeetako batean egin ahal izango du ordainketa Gizarte Segurantzaren Diruzaintza Orokorrak emandako agiriarekin, RED sistemaren bitartez.

Bankuko helbideratzea bakarrik egin nahi bada, kargua egiteko kontuaren zenbakia adierazi beharko da, finantza erakundera gerturatu beharrik gabe.

Dokumentazioa epean aurkeztearen ondorioak

Legezko epean dokumentazioa aurkezteak ondoko ondorioak izango ditu:

• Ardura duen pertsonak, aldi baterako ezintasunagatik ordainketa eskuordetuaren erregimenean, kitapen aldiaren parekoari dagozkion ordaindutako prestazio ekonomikoengatik konpentsazioak egin ditzake bere kitapenean. Dokumentuak aukezteaz gain, dirua arau barruan sartzen bada, murriztapen edo hobariengatik dagozkien kendurak ezarri ahalko dira.
• Abuztuaren 4ko 5/2000 RD legegileko 22. artikuluan larritzat jotzen diren arau-hausteak egitea saihestuko da (dekretu horrek lan arloko arau-hausteei eta zigorrei buruzko legearen testu bategina onartzen du), baita eragin ditzakeen erantzukizun penalei begira larritzat jo daitezkeen arau-hausteak ere.

Errekarguak eta berandutzeagatiko interesak:

• Kotizazio dokumentuak arauzko epearen barnean aurkeztea:
  
  
  • Zorraren %3ko errekargua, zor zituen kuoten ordainketa arauzko epearen iraungipenaren aurreko hilabetearen barruan eginez gero.
  • Zorraren %5eko errekargua, ordainketa arauzko epearen iraungipenaren aurreko bigarren hilabetearen barruan eginez gero.
  • Zorraren %10eko errekargua, ordainketa arauzko epearen iraungipenaren aurreko hirugarren hilabetearen barruan eginez gero.
  • Zorraren %20ko errekargua, zordundako kuotak legezko epearen hirugarren hilabetetik aurrera ordainduko balira.
    
    
• Epean kotizazio-dokumentuen aurkezpena egin gabe:
  
  
  • Zorraren %20ko errekargua, zor zituen kuoten ordainketa zorraren erreklamazioan edo kitapen-aktan ezarritako ordainketa-epea bukatu aurretik eginez gero.
  • Zorraren %35eko errekargua, zor zituen kuoten ordainketa ordainketa-epe hori bukatu ondoren eginez gero.
    
    
• Berandutzako interesak:

  Berandutzako interesak kuoten ordainketaren arauzko epea iraungi eta hurrengo egunean sortuko dira. Hala ere, premiamendu-probidentziaren jakinarazpenetik edo kenkari-prozeduraren hasieraren adierazpenetik hamabost egun igaro ondoren galdagarriak izango dira zorra ordaindu gabe ere.

  Era berean, interes horiek galdagarriak izango dira zorren erreklamazio edo kitapen-akten aurka aurkeztutako helegiteen ezetsitako ebazpenetan ezarritako epean zorraren zenbatekoa ordaindu ez denean, ebazpen horiek gauzatzea horien kontra aurkeztutako administrazioarekiko auzietako helegitearen izapideetan etengo balitz.

  Berandutzako interes galdagarriak zorra duen lehenengoak arauzko ordainketa-epea iraungi ondoren sortu dituenak izango dira. Era berean, ordainketaren unean, errekargu aplikagarriak sortu dituenak eta aurreko paragrafoaren arabera galdagarriak direnak ere izango dira.

  Berandutzako interes tasa sortzapen-epearen une bakoitzean indarrean dagoen legezko diru-interesa %25ean handituta izango da, Estatuko Aurrekontu Orokorren Legeak beste bat ezartzen duenean salbu. 2011. urtean, %5,00

IGO

2011. urteko kotizazio-oinarriak

• Kontingentzia Arrunten kotizazio-oinarriak
• Laneko Istripu eta Lanbide-Gaixotasunen kotizazio-oinarriak
• Lanaldi partzialeko kotizazioa. Gertakizun arruntak
• Lanaldi partzialeko kotizazioa. Lan-istripuak eta laneko gaixotasunak
• Ikastun-kontratu eta prestakuntzarako kontratuengatiko kotizazioa

2011. urtean lanaldi partzialeko lan-kontratuei aplikatutako gutxieneko kotizazio-oinarriak ondokoak dira:

2011. urtean lanaldi partzialeko lan-kontartuei aplikatutako laneko gertakizunen gutxieneko kotizazio-oinarria lan egindako orduko 4,51 eurokoa izango da.

Prestakuntzako lan-kontratuen Gizarte Segurantzako kotizazioa hileko kuota bakarra izango da ondoko eran banatuta:

Oharrak:

Trebatzen ari diren ikertzaileen Estatutua onartzen duen urtarrilaren 27ko 63/2006 Errege Dekretuaren aplikazio eremuan barne hartzen diren bekadunen eta ikertzaileen kotizazioa, trebakuntzarako kontratuetan kotizazioari dagozkion arauak aplikatuz egongo da, kontingentzia arrunt eta profesionalen kotizazioa kontuan hartuta.

IGO