Gizarte Segurantza

Behar ekonomiko egoera babestea, prestazioa sortzen duen pertsona hil izanagatik  sortua.

Hildakoarekin ezkontzako lotura izan duten edo  izatezko bikote izan diren pertsonak eta berriz ere ezkondu ez direnak:

• Ezkonlaguna.
• Bereiziak, dibortziatuak eta ezkontza baliogabe bezala hartutako pertsonak.
• Hildako unean izatezko bikotea.

Informazio gehiago onuradunei buruz

Beharrezkoa izango da kotizazio tarte bat akreditatzea; desberdina izango da kontuan hartuta hil denaren lan egoera eta bere heriotza eragin duena kontuan hartuta.

• Altan edo altaren pareko egoeran, 500 egun   etengabeko denbora tarte batean   5 urte heriotza baino lehen  edo 15 urteko laneko bizitzan zehar.
• Altan ez denean: 15 urte laneko bizitza osoan zehar.
• Pentsiodunak: Ez zaie eskatzen kotizazio denborarik.

Aldez aurreko kotizazio denborarik ez zaie eskatzen, heriotza laneko istripu edo gaixotasun batek eraginda gertatzen denean.

Gainera, ezkontza kasuan baldintza zehatz batzuk egiaztatzea beharrezkoa izango da, ezkondu aurretiko gaixotasun arruntetik heriotza eratorria denean;  Bereiziak, dibortziatuak eta  ezkontza baliogabeak; izatezko bikoteak.

Informazio gehiago baldintzei buruz

Prestazio ekonomikoa dagokion oinarri arautzaileari  %52ko portzentaia aplikatuta lortzen da, eta desberdina izango da hil zenean zuen laneko egoeraren eta heriotza eragin zuen kausaren arabera. Onuradunak familiako kargak eta diru-sarrera maila jakin bat duenean, portzentaia %70eraino ere igo daiteke.

Pentsio jasotzen ez denean, ezkontzaren iraupen epea ez egiaztatzeagatik edo seme-alaba komunik ez izategatik, aldi baterako prestazioa bi urtez ordainduko da, eta honen zenbatekoa izan litekeen alarguntasun pentsioaren parekoa izango da.

Informazio gehiago zenbatekoei buruz

• Altan, alta pareko egoeran edo alta ezan eragileak: Gertaera eragilearen hurrengo eguna, eskaera heriotza gertatu eta hurrengo hiru hilabeteetan egiten denean.
  
• Eragile pentsiodunak: Gertaera eragilearen hurrengo eguna, eskaera heriotza gertatu eta hurrengo hiru hilabeteetan egiten denean.

Hiru hilabete horiek baino beranduago eskaria aurkezten denan, eskaera egindako egunetik gehienez ere 3 hilabeteko atzera-eraginkortasunarekin sortuko da.

Pentsioa hilero ordaintzen da, ekaineko eta azaroko aparteko ordainekin, lan istripuko eta lanbide gaixotasuneko pentsioen kasuan izan ezik, orduan pentsioa hamabi ordain arruntetan banatzen baita.

Pentsioak zenbateko minimoak ditu bermatuta, eta urte bakoitzaren hasieran birbaloratuko da.

Pertsona Fisikoen gaineko Errentaren Zergari (PFEZ) lotuta dago pentsioa.

• Pentsioa bateragarria izango da onuradunaren laneko errentekin eta erretiro eta betiko ezgaitasun pentsioekin, haietarako eskubiderik balu behintzat.
  
• Eragilea altan ez bazegoen hil zen unean, alarguntasun pentsioa ez da bateragarria izango Gizarte Segurantzako beste edozein erregimeneko alarguntasun pentsiorekin, erregimen bakoitzean egiaztatutako pentsioak gainjartzen badira salbu, gutxienez 15 urtean.
  
• Nahiz eta berriz ere ezkondu edo izatezko bikote berria izan, mantentzen den alarguntasun pentsioa ezkontide edo izatezko bikote berriaren heriotzaren ondorioz sor litekeen alarguntasun pentsio berriarekin ez da bateragarri izango, haietariko bat hautatu beharko delarik.

Bateragarritasun/Bateraezintasunei buruzko informazio gehiago

• Eskaerak aurkezteko: Ez dago eperik.
  
• Espedientearen ebazpena: Eskaera aurkeztu eta handik 90 egunetara. Gaur egun, batez besteko epea 13 egunekoa da.

• Berriz ere ezkontzeagatik edo izatezko bikote berria izateagatik, salbuespenekin.
• Eragilearen heriotzan errutasuna aitortzagatik, epai irmoan.
• Genero-indarkeriagatik.
• Heriotzagatik.
• Desagertutako langilea ez zela hil ziurtatzeagatik.

Biziraupenerako Prestazioak eskatzeko.

Eskaera ereduan zehazten diren dokumentuak.

Gizarte Segurantzako Arreta eta Informazioa Zentroetaneta Itsasoko Gizarte Institutuko bulegoetan, itsasoko langileek.

Gizarte Segurantzaren Institutu Nazionalari dagokio pentsio eskubidea onartzea, Itsasoko Gizarte Institutuari itsasoko langileen kasuan eta Laneko Istripuen eta laneko Gaixotasunen Mutualitateari heriotza laneko istripuak eragin baldin badu.

• Pentsioa jasotzeko eskubideak ez du preskribatzen.
  
•  Dibortzioaren kasuan , onuradun bat baino gehiago dagoenean, ezkontzako elkarbizitza denborarekiko proportzionala izango da prestazioaren zenbatekoa, bizirik dirauen ezkondidearen alde ehuneko 40 bermatuz. 
  
• Alarguntasun pentsioa genero-indarkeriaren kasuan.
  
• Laneko istripuen eta laneko gaixotasunen eraginetarako, hil zen garaian hildakoa eskubide osoko altan zegoela kontsideratzen da, nahiz eta enpresariak bere betebeharrak bete ez dituen. Onartzen da, gainera, oinarri arautzailearen 6 hilabeteko hileko soldatako kalte-ordaina.
  
• Erregimen Bereziak.
  
  • Nekazaritzako Erregimen Berezia
  • Autonomoen edo bere konturako langileen erregimen berezia
  • Etxeko Langileen Erregimen Berezia
  • Ikatz Meatzaritzako Erregimen Berezia
  • Itsasoko Langileen Erregimen Berezia

Ohiko galderak