Zer da Gizarte Segurantzako Diruzaintza Nagusia?

Gizarte Segurantzako zerbitzu orokorra da, Lan eta Inmigrazioko Ministerioaren babesean, nortasun juridiko propioarekin, eta finantza-elkartasuna eta kutxa-bakarraren hastapenen aplikazioarekin, Gizarte Segurantzako Sistemako errekurtso-ekonomikoak eta finantza-administrazioa bateratzen dira.

Zerbitzu orokor izatea, Gizarte Segurantzako Sistemako Erakunde Kudeatzaileek dituzten funtzio orokor zehatz batzuk kudeatzean datza. 

Zer eskumen ditu?

• Enpresen inskripzioa.
• Langileen afiliazioa, altak eta bajak.
• Gizarte Segurantzako Sistemako kotizazioaren, kuoten zerga-bilketaren eta bestelako finantza-baliabideen kudeaketa eta kontrola.
• Gizarte Segurantzako kuotak geroratzea eta zatikapena.
• Gizarte Segurantzako ondare bakarra osatzen duten ondasun eta eskubideen titulartasuna, kudeaketa eta administrazioa, Gizarte Segurantzako Erakunde Kudeatzaileek, Lan-Istripu eta Laneko Gaixotasunen Mutuek eta Osasuneko Institutu Nazionalak euren ardurapean dituzten eskumenei kalterik egin gabe.
• Gizarte Segurantzako kuotak eta bestelako finantza-baliabideak ordaintzeko beharrezko neurriak antolatzea eta prozedurak diseinatzea eta kudeatzea.
• Gizarte Segurantzako betebeharren ordainketa agintzea eta betebehar horiek puntualki asetzeko diru-erabilgarritasuna denbora eta lurralde mailan banatzea.
• Sistemako baliabideen eskuragarritasuna eta mugimenduak kudeatzen duen finantza-zirkuitua antolatzea eta kudeatzea, Gizarte Segurantzako kudeaketa-beharren arabera.
• Finantza-Erakundeetan kontuak zabaltzea baimentzea Gizarte Segurantzako fondoak kokatzeko.
• Beharrezkoak diren Diruzaintzako kreditu eta aurrerakin eragiketak egitea.
• Aurrekontu Monetarioa egitea.
• Lan-istripuen berraseguru-funtzioaren kudeaketa.
• Gizarte Segurantzako Sistemarako finantza-egonkortze fondo bakarraren eraketa, kudeaketa eta aplikazioa.
• Lan-Istripuen Mutuek eta prestazioak ordaindu behar dituzten enpresek eratu beharreko kapital-kostuen kitatzea.
• Lan eta Inmigrazioko Ministerioak agindutako antzeko bestelako funtzioak egitea.
• Lehiaketa publikoaren bidez, beharrezko higiezinak eskuratzea helburuak lortzeko. Halaber, beharrezkoak ez direnak besterentzea, enkante publikoaren bidez.

IGO