Itsasoko Gizarte Institutua eskubide publikoko nortasun juridiko propioa duen nazio mailako Erakundea da, Lan eta Inmigrazioko Ministerioaren zuzendaritzapean eta babesean jarduten duena, Gizarte Segurantzako Estatuko Idazkaritzari atxikitutakoa.
-
Itsasoko Langileen Gizarte Segurantzako Erregimen Bereziko prestazioetarako eskubidearen kudeaketa, administrazioa eta aitorpena.
-
Diruzaintza Nagusiarekin elkarlanean, enpresen inskripzioa, afiliazioa, langileen altak eta bajak, zerga-bilketa eta kotizazioen kontrola.
-
Itsasoko langileen eta euren onuradunen osasun-laguntza lurralde nazionalean. -Itsasoko langileen osasun-laguntza ontzian bertan eta atzerrian, bere bitartekoak erabilita, besteak beste, radio-médico zentroa, datu-bankua, atzerriko zentroak, itsasontzi sanitarioak eta jar daitezkeen bestelakoak, edo gaixorik diren edo istripuren bat izan duten langileen ebakuazioa edo aberriratzea hitzartuta.
-
Itsasoko langileentzako osasun-informazioa, heziketa eta ontziko osasun-gida banatzea, ontziratu aurreko azterketa-medikoen praktika, ontziko osasun-neurrien eta baldintza higienikoen azterketa eta kontrola, eta eskuordetutako prebentzio-medikuntza eta osasun-heziketako bestelako funtzioak.
-
Itsasoko langileen prestakuntza eta sustapena, ontzi edo portuetan itasoko langileen eta euren familiartekoen ongizatea artatzea (nazionalak edo atzerritarrak), Lanaren Nazioarterko Erakundearen 138. Gomendioaren arabera.
-
Lanaren Nazioarteko Erakundearen 9. Hitzarmenaren arabera, Enpleguko Institutuarekin elkarlanean, Estatuko Enpleguko Zerbitzu Publikoarekin, honek eskumena dueneko ekintzak sustatzea itsasoko langileei badagozkie, langabeziagatiko prestazioen kudeaketan zein itsasoko langileak kolokatzean.
-
Azterketak egitea, informatzea edo arau edo egitasmoen proiektuak proposatzea eta itsas-arrantzako sektorean eragina duten nazioarteko hitzarmenak egiten elkarlanean aritzea.