Seguridade Social

É compatible coas pensións de viuvez e orfandade causadas polo mesmo suxeito.

A realización de traballos por parte do neto e irmán menor de 22 anos produce os mesmos efectos suspensivos que os indicados na pensión de orfandade.

É incompatible coa percepción polo beneficiario doutras pensións públicas, así como con ingresos de calquera natureza que superen, en cómputo anual, a contía do salario mínimo interprofesional vixente en cada momento, tamén computada anualmente.

A partir de 1-1-04, se o causante non se atopase en alta ou en situación asimilada á de alta na data do falecemento, será incompatible co recoñecemento doutra pensión en favor de familiares en calquera dos réximes da Seguridade Social, agás que as cotizacións acreditadas en cada un dos réximes se superpoñan, polo menos, durante 15 anos.