Seguridade Social

Denegación, anulación e suspensión

O dereito ao subsidio pode ser denegado, anulado ou suspendido cando o beneficiario:

• Actúe fraudulentamente para obter ou conservar a prestación.
  
  
• Traballe por conta propia ou allea durante os correspondentes períodos de descanso, agás se se trata da percepción dun subsidio por maternidade en réxime de xornada a tempo parcial ou nos supostos de pluriemprego e pluriactividade.

Os períodos de percepción do subsidio corresponderanse cos períodos de descanso que, neses casos, serán os non ocupados pola xornada a tempo parcial ou polos empregos ou actividades que non dan lugar ao subsidio.

SUBIR

Extinción

• Polo transcurso dos prazos máximos de duración dos períodos de descanso.

• Pola reincorporación voluntaria ao traballo do beneficiario do subsidio con anterioridade ao cumprimento do prazo máximo de duración, cando o período de descanso se goce "exclusivamente" por un dos proxenitores. No caso de parto, a nai non poderá reincorporarse ao traballo ata que transcorresen as 6 semanas de descanso obrigatorias tras o parto.

• Pola reincorporación voluntaria ao traballo dun dos proxenitores ou de ambos con anterioridade ao cumprimento dos prazos máximos de duración, cando o período de descanso se goce "sucesiva ou simultaneamente" por ambos. No caso de parto, a nai non poderá reincorporarse ao traballo ata que transcorresen as 6 semanas de descanso obrigatorias tras o parto.

Neste caso, a parte que restase para completar os prazos máximos de duración incrementará a duración do subsidio a que tivera dereito o outro beneficiario, sen prexuízo do establecido en caso de falecemento de fillos ou menores acollidos e da necesidade de que a nai, en caso de parto, exercite a opción a favor do outro proxenitor ao iniciarse o período de descanso por maternidade.

• Por falecemento do beneficiario, salvo que o outro proxenitor sobrevivinte poida continuar o goce do período de descanso que reste, segundo as condicións legal ou regulamentariamente establecidas.

• Por adquirir o beneficiario a condición de pensionista de xubilación ou incapacidade permanente, sen prexuízo do goce do período de descanso restante polo outro proxenitor.

SUBIR