Seguridade Social

Compatibilidades

A pensión de xubilación parcial será compatible con:

• O traballo a tempo parcial na empresa e, no seu caso, con outros traballos a tempo parcial anteriores á situación de xubilación parcial, sempre que non se aumente a duración da súa xornada. En caso de aumentarse a xornada, a pensión de xubilación parcial suspéndese.


• Os traballos a tempo parcial concertados con posterioridade á situación de xubilación parcial, cando se cese nos traballos que se viñan desempeñando con anterioridade noutras empresas, sempre que non se aumente a duración da xornada realizada ata entón. En caso de aumentarse a xornada, a pensión de xubilación parcial suspéndese.


• Coa pensión de viuvez, a prestación de desemprego e con outras prestacións substitutivas das retribucións que correspondesen aos traballos a tempo parcial concertados con anterioridade á situación de xubilación parcial, nos termos indicados no parágrafo anterior, a excepción do indicado no epígrafe seguinte.

SUBIR

Incompatibilidades

A pensión de xubilación parcial será incompatible con:

• As pensións de incapacidade permanente absoluta e grande invalidez.
• A pensión de incapacidade permanente total para o traballo que se preste en virtude do contrato que deu lugar á xubilación parcial.
• A pensión de xubilación que puidese corresponder por outra actividade distinta á realizada no contrato a tempo parcial.

SUBIR

Extinción

A pensión de xubilación parcial extínguese por:

• Falecemento do pensionista.


• Recoñecemento da xubilación ordinaria ou anticipada en virtude de calquera das modalidades legalmente previstas.


• Recoñecemento dunha pensión de incapacidade permanente declarada incompatible.


• A extinción do contrato de traballo a tempo parcial, realizado polo xubilado parcial, agás cando se teña dereito a prestación de desemprego, compatible coa xubilación parcial, ou a outras prestacións substitutivas das retribucións percibidas naquel, en cuxo caso, a extinción da xubilación parcial  se producirá na data da extinción das mesmas.

O previsto en parágrafo anterior non será de aplicación ás extincións do contrato de traballo declaradas improcedentes, en cuxo caso, se manterá o dereito á xubilación parcial, sen prexuízo das obrigas legalmente establecidas para a empresa.

SUBIR