Seguridade Social

Nacemento do dereito

• O dereito á asistencia sanitaria nace o día da afiliación ao Sistema, tanto para o titular como para os seus familiares ou asimilados beneficiarios.


• A efectividade do dereito prodúcese, tanto para o titular como para os seus familiares ou asimilados beneficiarios, a partir do día seguinte ao da presentación da alta no Réxime correspondente e consérvase, non obstante, sen solución de continuidade, cando ao cambiar de empresa non transcorresen máis de cinco días entre a baixa e a comunicación da súa alta na nova empresa.

SUBIR

Duración

• Os pensionistas, traballadores en alta e familiares duns e outros,mentres dure o proceso patolóxico.

Os traballadores que sufrisen un accidente de traballo ou unha enfermidade profesional manteñen o dereito á asistencia sanitaria durante todo o proceso, aínda que causen baixa na Seguridade Social.

• No caso de traballadores dados de baixa na Seguridade Social e beneficiarios destes, a duración será diferente, segundo teñan ou non 90 días cotizados dentro dos 365 días anteriores.

• Se cotizaron os 90 días dentro dos 365 anteriores, conservan o dereito a que se inicie a prestación durante os 90 días seguintes á baixa e a súa duración será a seguinte:

• 52 ou 39 semanas, segundo sexa traballador ou beneficiario, se a asistencia sanitaria se inicia antes da baixa.
• 39 ou 26 semanas, segundo sexa traballador ou familiar, se a asistencia sanitaria se inicia despois da baixa.

• Se non cotizaron os 90 días dentro dos 365 días anteriores, sempre que a asistencia sanitaria se iniciase antes da baixa, a duración será de 39 ou 26 semanas, segundo sexa traballador ou familiar.

• Emigrantes e familiares destes a países estranxeiros, durante os períodos antes sinalados, que poden ser prorrogados excepcionalmente.

• Traballadores en excedencia por cumprimento do servizo militar e da prestación social substitutiva:

Os beneficiarios a cargo destes traballadores conservarán o dereito á asistencia sanitaria durante o tempo de permanencia nestas situacións e os 30 días previstos polo Estatuto dos Traballadores para a súa reincorporación á empresa; durante estes 30 días, gozará de igual dereito o propio traballador.

• Os traballadores en situación de alta especial por folga legal ou peche patronal,mentres dure tal situación.

• Os excedentes para o coidado de fillos ou menores acollidos, durante os dous primeiros anos, ampliándose a 30 ou 36 meses en supostos de familia numerosa, segundo sexa categoría xeral ou especial.

SUBIR

Extinción

• Cando se perdan as condicións requiridas para ser titular ou beneficiario do dereito.

• Por falecemento.