Seguridade Social

Consideracións xerais

En consonancia coa tendencia á unidade que debe presidir a ordenación do sistema da Seguridade Social, quedaron integrados dentro do Réxime Xeral, (por Real Decreto 2621/1986), os extinguidos Réximes Especiais de Traballadores Ferroviarios, de Futbolistas, de Representantes de Comercio, de Artistas e de Toureiros; e no Réxime Especial de Traballadores Autónomos, o de Escritores de libros.

Por iso, réxense polas normas comúns do Réxime Xeral da Seguridade Social, a excepción das particularidades especificamente previstas para estes colectivos.

SUBIR

Artistas

O Real Decreto 1435/1985, do 1 de agosto, regula a relación laboral especial dos artistas en espectáculos públicos, entendendo como tal a establecida entre un organizador de espectáculos públicos ou empresario e quen se dedique voluntariamente á prestación dunha actividade artística por conta, e dentro do ámbito de organización e dirección daquel, a cambio dunha retribución.

Así mesmo, quedan incluídas no ámbito de aplicación do Real Decreto citado, tódalas relacións establecidas para a execución de actividades artísticas nos termos descritos anteriormente, desenvoltas directamente ante o público ou destinadas á gravación de calquera tipo para a súa difusión entre o mesmo, en medios tales como teatro, cine, radiodifusión, televisión, prazas de touros, instalacións deportivas, circo, salas de festas, discotecas, e, en xeral, calquera local destinado habitual ou accidentalmente a espectáculos públicos, ou a actuacións de tipo artístico ou de exhibición.

Non lles será aplicable a regulación especial establecida no presente apartado, e si, totalmente a normativa do Réxime Xeral a:

En canto aos traballadores de teatro, circo, variedades e folclore, o persoal técnico, e auxiliar, que colabore nos espectáculos, tales como:

O representante do espectáculo.

Os encargados de xastrería e perruquería.

Os maquinistas ou auxiliares de tremoia.

En canto aos profesionais da música:

Os profesionais da música que realizan una función docente.

Os pianistas que prestan os seus servizos en academias de baile.

Os técnicos musicais: correctores, redutores, transcritores, autografistas ou copistas.

En canto aos traballos de produción, dobraxe ou sincronización de películas ou para televisión:

O persoal de laboratorio.

O persoal de distribución e publicidade.

En xeral:

O persoal administrativo: técnicos e auxiliares.

O persoal subalterno.

O persoal obreiro: carpinteiros, encargados de taller, profesionais de oficio, electricistas, maquinistas, iluminadores.

O persoal que colabore nos espectáculos, pero que non adquirise unha profesionalidade para ser considerado como artista, como señoritas de conxunto, meritorios, etc. É dicir, ata que ascenda de categoría, unha vez superada a formación profesional da forma indicada nos artigos 62 a 66 da Ordenanza de Traballo de Teatro, Circo, Variedades e Folclore.

O persoal técnico (montadores, iluminadores, técnicos de son, etc.) que acompaña aos artistas (cantantes e músicos) nas súas actuacións.

SUBIR

Profesionais taurinos

Están incluídos no campo de aplicación deste colectivo, os profesionais taurinos que residan e exerzan normalmente a súa actividade en territorio nacional, e estean comprendidos nalgunha das seguintes categorías profesionais:

Matadores de touros ou de novelos.

Toureiros dacabalo.

Sobresalientes.

Banderilleiros, picadores e subalternos de picas.

Mozos de estoques e de picas e os seus axudantes.

Puntilleiros.

Toureiros cómicos.

Aspirantes das distintas categorías profesionais.

SUBIR

Representantes de comercio

Estarán incluídos dentro do campo de aplicación deste colectivo as persoas naturais que, actuando baixo a denominación de representante, mediador ou calquera outra coa que se lle identifique no ámbito laboral, se obriga cun ou máis empresarios, a cambio dunha retribución, a promover ou concertar persoalmente operacións mercantís por conta dos mesmos, sen asumir o risco e ventura de tales operacións.

Exclusións:

Os traballadores das Empresas que, aínda dedicándose a promover ou concertar operacións mercantís para a mesma, o fagan en locais ou tendo neles o seu posto de traballo e suxeitos ao horario laboral da Empresa.

Quen se dedique a promover ou concertar operacións mercantís de forma continuada por conta dun ou máis empresarios, como titulares dunha organización empresarial, autónoma, entendendo por tal aquela que conta con instalacións e persoal propio. Presumirase que non existe esta organización autónoma cando quen se dedique a promover ou concertar operacións mercantís actúe conforme ás instrucións dun empresario con respecto a temas como horarios de traballo, itinerarios, criterios de distribución, prezos e forma de realizar os pedidos e contratos.

As persoas naturais incluídas no ámbito da normativa específica sobre produción de seguros e correspondentes non banqueiros sempre que, de acordo con esta normativa, se configuren como suxeitos dunha relación mercantil.

SUBIR