Seguridade Social

Pode acceder á prestación unha traballadora que está en situación de desemprego?

Para ser beneficiaria desta prestación, a traballadora deberá cumprir, entre outros, o requisito de estar afiliada e de alta nun réxime da Seguridade Social.

Consecuentemente, a traballadora non poderá acceder á prestación desde unha situación asimilada á de alta nin desde a situación de non alta.

SUBIR

E compatible co traballo a prestación de risco durante o embarazo?

Non. A percepción do subsidio é compatible co mantemento daquelas actividades que estivese a desempeñar ou incluso que puidese comezar a desempeñar despois da suspensión do contrato e non impliquen risco durante o embarazo.

É dicir, pode realizar outros traballos por conta propia ou por conta allea se son compatibles co seu estado.

SUBIR

Cal é o período máximo de duración da prestación por risco de embarazo?

Non hai un período máximo de duración establecido, polo que se aboará durante o período necesario para a protección da seguridade ou da saúde da traballadora e/ou do feto, e finalizará o día anterior a aquel no que se inicie a suspensión do contrato de traballo por maternidade ou o de reincorporación da muller traballadora ao seu posto de traballo anterior ou a outro compatible co seu estado. 

No caso de traballadoras contratadas a tempo parcial, aboarase durante todos os días naturais nos que se manteña a suspensión do contrato de traballo por risco durante o embarazo, coa excepción aludida no parágrafo anterior.

Polo tanto, a duración da prestación estará unicamente limitada pola propia existencia do risco.

SUBIR

Quen emite o certificado que acredita a existencia do risco?

A certificacion médica de que as condicións do posto de traballo poden influír negativamente na saúde da traballadora e/ou do feto será expedida, con carácter xeral, polos servizos médicos do INSS ou da Mutual de AT e EP, en función da entidade coa que se teña concertada a cobertura de riscos profesionais, previa comunicación da traballadora á que se deberá acompañar:

• Informe do médico do Servizo Público de Saúde que a asista no que se acredite a situación de embarazo e que as condicións do posto de traballo desempeñado poden influír negativamente na saúde da embarazada ou do feto.
• Declaración da empresa ou da traballadora por conta propia na que se fagan constar os traballos ou actividades desempeñados, o risco específico...

SUBIR

No caso de traballadoras por conta propia, cando nace o dereito á prestación?

O dereito nace ao día seguinte a aquel no que se emite o certificado médico polos servizos médicos da Entidade Xestora ou Mutua, se ben os efectos económicos prodúcense a partir da data de cesamento efectivo na actividade profesional.

Polo tanto, antes de ditarse a resolución, as traballadoras por conta propia deben comunicar a data de cesamento na actividade. As traballadoras do RETA  presentarán a declaración de situación da actividade.

SUBIR

Que acontece se a empresa suspende o contrato antes de que os servizos médicos emitisen o informe que declara o risco?

No caso de traballadoras por conta allea, o dereito nace o mesmo día no que se inicia a suspensión do contrato de traballo, sempre con data posterior á emisión do certificado do Servizo Médico do INSS ou  Mutua.

No caso de que a suspensión do contrato se producise con anterioridade, é posible retrotraer os efectos da prestación ao momento no que se produciu a suspensión da relación laboral.

SUBIR

Como deben acreditar as traballadoras por conta propia que desempeñan un posto de traballo exposto a risco?

Igual ca no caso de traballadoras por conta allea, deberán achegar un informe do facultativo do Servizo Público de Saúde no que se acredite a situación de embarazo e que as condicións de traballo ou actividade profesional desempeñadas inflúen negativamente na saúde da traballadora ou do feto.

Ademais, a propia traballadora fará unha declaración sobre: 

• A actividade desenvolvida.
  
• A inexistencia dun traballo ou función nesa actividade compatible co seu estado que poida ser levada a cabo  por aquela na súa condición de traballadora por conta propia ou empregada do fogar.
  

SUBIR

Pódese acceder á incapacidade temporal durante a situación de risco por embarazo?

Non. Finalizada a situación de risco, se a beneficiaria precisa asistencia sanitaria e se encontra impedida para o traballo, iniciarase a situación de incapacidade temporal que lle corresponda sempre que reúna os requisitos xerais para ter dereito a esta prestación.

SUBIR

Desde unha situación de pluriactividade, na que a traballadora está incluída en varios réximes, podería ter dereito ao subsidio en cada un deles?

Se a situación de risco lles afecta a todas as actividades desempeñadas, a traballadora si terá dereito á prestación en cada un dos réximes, sempre que reúna os requisitos esixidos de forma independente en cada un deles.

Se a situación de risco non afecta a todas as actividades realizadas, a traballadora terá dereito ao subsidio unicamente no réxime en que estea incluída a actividade de risco.

SUBIR