Está vostede en: Inicio  > Oficina Virtual

A Oficina virtual é o portelo de atención ao usuario na Internet a través do cal os cidadáns, empresas e colaboradores da Seguridade Social poden realizar consultas e xestións que viñan realizando, de maneira presencial, en calquera das súas oficinas. Dentro da Oficina virtual atopará servizos orientados cara ao cidadán que permiten a consulta dos datos de carácter persoal como, por exemplo, a situación laboral actual ou as cotizacións á Seguridade Social.

Para a utilización destes servizos é necesario nalgúns casos dispoñer dun certificado dixital e noutros poderase facer a solicitude sen certificado dixital, pero o informe é enviado ao domicilio que conste na base de datos da Seguridade Social.

Pode obter información máis detallada dos servizos dispoñibles a través da Oficina virtual no Catálogo de servizos.

Para acceder aos servizos con certificado dixital é imprescindible dispoñer dun certificado dixital que garanta a seguridade e confidencialidade do trámite.

O acceso aos servizos sen certificado dixital require:

• Encher o formulario de solicitude do informe desexado.

• Que os datos que se fagan constar no formulario coincidan cos existentes nas bases de datos das Entidades da Seguridade Social. 

• Dispoñer de correo electrónico nos casos nos que sexa necesario, ao cal se enviará unha mensaxe informándolle do estado da súa petición.

Recomendacións para a navegación