Seguridade Social

É un subsidio diario que cobre a perda de rendas do traballador producida por enfermidade  común ou accidente non laboral, enfermidade profesional ou accidente de traballo e os períodos de observación por enfermidade profesional.

Os traballadores, incluídos en calquera Réxime da Seguridade Social, sempre que cumpran determinados requisitos.

Os traballadores do Réxime especial de traballadores autónomos (RETA) incluídos no sistema especial de traballadores agrarios que optasen por incluír esta prestación.

• Enfermidade común: Estar afiliados e en situación de alta ou asimilada á alta e ter cuberto un período de cotización de 180 días nos 5 anos anteriores.
  
• Accidente (sexa ou non de traballo) e enfermidade profesional: non se esixen cotizacións previas. 

Máis información sobre requisitos

Segundo a opción que realizase o empresario para a súa cobertura, o recoñecemento e pagamento corresponderá:

• ao Instituto Nacional da Seguridade Social  (INSS)
• á mutua de accidentes de traballo e enfermidades profesionais
• ás empresas autorizadas a colaborar voluntariamente na xestión da incapacidade temporal.

• Enfermidade común e accidente non laboral: 60 % da base reguladora desde o 4º día da baixa ata o 20º inclusive e o 75 % desde o día 21 en adiante.
  
• Enfermidade profesional ou accidente de traballo: 75 % da base reguladora desde o día seguinte ao da baixa no traballo.

Máis información sobre pagamento

Traballadores por conta allea

• En xeral, o pagamento efectúao a empresa como pagamento delegado coa mesma periodicidade ca os salarios.
• Nos casos de enfermidade común ou accidente non laboral, o pagamento entre o 4º e o 15º día da baixa corre a cargo do empresario, a partir do 16º a responsabilidade de pagamento será do INSS ou da mutua.

Traballadores por conta propia

• O pagamento realízao directamente a entidade xestora ou mutua competente. Ademais, poderá solicitarse mediante a solicitude de pagamento directo.

Os partes médicos de baixa, confirmación da baixa e alta.

• Documentos acreditativos da identidade do traballador.
• Documentos relativos á cotización.
  

Máis información sobre documentación

Actuación fraudulenta para obter ou conservar a prestación, traballar por conta propia ou allea, e rexeitar ou abandonar o tratamento prescrito.

Extínguese polo transcurso do prazo máximo establecido, alta médica con ou sen declaración de incapacidade permanente, pasar a ser pensionista de xubilación, non presentarse aos recoñecementos establecidos polos médicos do INSS  ou da Mutua e por falecemento.

Enfermidade ou accidente: 365 días prorrogables por outros 180, se durante este transcurso se  prevé curación.

Períodos de observación da enfermidade profesional: 6 meses prorrogables por outros 6.

Máis información sobre duración

• Outros informes médicos de control
• Prórroga de efectos da incapacidade temporal
• Desemprego/Incapacidade temporal
• Incapacidade temporal/Desemprego
• Declaración de alta médica a proposta da entidade xestora ou da mutua.
  
• Réximes especiais:
  • Réxime especial agrario
  • Réxime Especial Traballadores Autónomos
  • réxime especial empregadas de fogar
  • Réxime Especial da Minería do Carbón
  • réxime especial do mar
    
    
• O traballador non terá dereito ao subsidio durante as situacións de folga ou peche patronal.

Preguntas máis frecuentes