Seguridade Social

A continuación preséntase o procedemento xeral

Que é a prestación económica por nacemento ou adopción dun terceiro ou sucesivos fillos?

É unha prestación familiar non contributiva, de pagamento único, que se recoñece a quen, como consecuencia de nacementos ou adopcións anteriores ao 16 de novembro de 2007, tivesen 3 ou máis fillos, sempre que se cumpran os requisitos esixidos. 

Que trámites se deben realizar?

Deberase presentar:

• O modelo de solicitude correspondente.
• A documentación necesaria para acreditar a identidade e as circunstancias determinantes do dereito.

Onde se tramita?

A solicitude e documentación esixida deberá presentarse en calquera dos centros de atención e información da Seguridade Social.

O recoñecemento do dereito á prestación económica é competencia do Instituto Nacional da Seguridade Social (INSS).

Que prazo hai para solicitar a prestación?

Pódese solicitar a partir do día seguinte ao do nacemento ou adopción do terceiro ou sucesivos fillos.

O dereito ao recoñecemento desta prestación prescribirá aos cinco anos, contados dende o día seguinte ao do nacemento ou adopción.

SUBIR