Seguridade Social

É un servizo que lles ofrece a TGSS  a empresas, agrupacións de empresas e profesionais, cuxa misión é permitir o intercambio de información e documentos entre as dúas entidades (TGSS e usuarios) a través de INTERNET.

Por medio do Sistema RED  pódese entrar en contacto directo coa TGSS que, grazas aos medios tecnolóxicos e elementos de seguridade necesarios, permítelle o acceso a datos de empresa e traballadores, así como a remisión de documentos de cotización e afiliación e partes médicos.

Os ámbitos de actuación que abrangue este servizo son os seguintes:

• Cotización: presentación de documentos das series TC2 (Relación nominal de traballadores), tramitación de saldos acredores, e ingreso das cotas mediante domiciliación en conta ou pagamento electrónico.
  
  
• Afiliación: altas, baixas, variacións de datos de traballadores, así como consultas e petición de informes relativos a traballadores e empresas.
  
  
• Tramitación dos partes de alta e baixa médica de AT  e EP , así como os partes de confirmación, ao Instituto Nacional da Seguridade tanto derivados de continxencias comúns como de continxencias profesionais.
  
  

O usuario poderá realizar estas xestións e recibir mensaxes da TGSS dende o seu propio despacho, sen necesidade de desprazarse e sen as limitacións de horario de oficinas.

Polo tanto, o Sistema RED  permitirá axilizar a relación coa Seguridade Social de empresas e despachos, eliminando o circuíto do papel, mellorando a calidade dos datos e evitando esperas nas oficinas da Administración.