Seguridade Social

O ámbito de actuación queda determinado no artigo 3 da Orde Ministerial do 3 de abril de 1995 (BOE  do 7 de abril) sobre uso de medios electrónicos, telemáticos e informáticos en relación coa inscrición de empresas, afiliación, altas, baixas e variacións de datos de traballadores, cotización e recadación no ámbito da Seguridade Social.

Nesta Orde Ministerial cítase que ao Sistema Red poderanse adherir empresas e agrupacións de empresas obrigadas a cotizar así como profesionais colexiados e aquelas persoas que, no exercicio da súa actividade profesional deban confeccionar ou presentar documentación relativa aos actos aludidos por esta Orde e que deberán ostentar a representación das empresas ou suxeitos obrigados en cuxo nome actúen nos termos establecidos pola Lei.

Tras a publicacion da Orde TIN 2777/2010 do 29 de outubro, a TGSS estende a partir do 1 de xaneiro de 2011 a obrigatoriedade de incorporación efectiva ao Sistema RED para todas as empresas encadradas no Réxime Xeral, sexa cal sexa o número de traballadores que teñan en alta, así como para as empresas incluídas no resto de réximes con máis de 10 traballadores en alta. Así mesmo, establécese a obrigatoriedade de pagamento a través das modalidades implementadas no mesmo a todas as empresas obrigadas a incorporarse ou que estivesen voluntariamente utilizando este sistema, agás naqueles supostos nos que o Sistema RED, por razóns técnicas non poida emitir o correspondente recibo de liquidación de cotizacións.

Esta autorización concédese aos colectivos anteriormente descritos, no ámbito dos seguintes réximes:

• Réxime xeral (incluídos: Réxime Especial de Artistas, Sistema Especial de Froitas, Hortalizas e Conservas Vexetais e Sistema Especial de Manipulado e Empaquetado do Tomate Fresco, Sistema Especial Agrario (Xornadas Reais)).
  
  
• Réximes Especiais dos Traballadores do Mar (Conta Allea) e Minería do Carbón.