Seguridade Social

Con efectos o 1 de xaneiro de 2012, o Réxime Especial de Empregados de Fogar queda integrado no Réxime Xeral da Seguridade Social, mediante a creación do Sistema Especial para Empregados do Fogar, segundo a Disposición adicional trixésimo novena da Lei 27/2011 do 1 de agosto (BOE do 2) sobre actualización, adecuación e modernización do Sistema da Seguridade Social.

Para iso, os empregadores para quen os traballadores realicen labores domésticas deberán presentar en calquera Administración da Seguridade Social ou a través da Rexistro Electrónico, os modelos |TA 6 ou TA 7 para a solicitude dun Código de Conta de Cotización –CCC- dentro do Sistema Especial para Empregados de Fogar do Réxime Xeral e o modelo TA 2/S- 0138 para solicitar a alta ou baixa dos traballadores.

Durante un período transitorio, que comprende dende o 1 de xaneiro de 2012 ao 30 de xuño de 2012, os empregadores con traballadores en alta deberán comunicar á Tesourería Xeral da Seguridade Social os datos necesarios para a apertura dun CCC e os necesarios para tramitar a alta dos traballadores ao seu servizo no novo Sistema Especial para Empregados do Fogar. Para facilitar estas tarefas creouse o modelo TA-FOGAR.

O detalle desta información, así como as características a cotización á Seguridade Social no novo Sistema Especial e as preguntas máis frecuentes ao respecto poden consultarse nos documentos incluídos nesta páxina.

Ademais, pode consultar a páxina do Ministerio de Emprego e Seguridade Social.

Documento	Descarga do ficheiro	Formato	Tamaño	Data
Integración do Réxime Especial de Empregados de Fogar no Réxime Xeral	| | | |	PDF	118 Kb	16/02/2012
Preguntas máis frecuentes	| | | |	PDF	109 kb	16/02/2012

SUBIR