Seguridade Social

A inscrición é o acto administrativo polo que a Tesourería Xeral da Seguridade Social asigna ao empresario un número para a súa identificación e control das súas obrigas no respectivo Réxime do Sistema da Seguridade Social. Este número é considerado como primeiro e principal Código de Conta de Cotización. A solicitude realizarase no modelo TA.6

Ao Código de Conta de Cotización Principal vincularanse todos aqueles outros que poidan asignárselle a un empresario. É importante sinalar que o empresario debe solicitar un Código de Conta de Cotización (modelo TA.7) en cada unha das provincias onde exerza actividade, así como en determinados supostos en que sexa necesario identificar colectivos de traballadores con peculiaridades de cotización.