Prazo de solicitude e nacemento do dereito, duración, suspensión, continuación e extinción

PRAZO DE SOLICITUDE E NACEMENTO DO DEREITO

O dereito ao subsidio por desemprego nace a partir do día seguinte ao do feito causante sempre que se solicite nos quince días hábiles seguintes á data do feito causante. Solicitado fóra do devandito prazo, pero dentro dos seis meses seguintes á data do feito causante, nacerá o día de presentación da solicitude. 

Se o subsidio por desemprego se solicitase unha vez transcorridos os seis meses desde a data do feito causante, a solicitude será denegada, salvo que no último día deste prazo o solicitante se atopase realizando traballos por conta propia ou allea, ou percibindo a prestación por incapacidade temporal ou por nacemento e coidado de menor, nese caso ampliarase o prazo de solicitude ata os quince días hábiles seguintes á finalización do traballo ou extinción da prestación. 

Considerarase data do feito causante do subsidio: 

• a data do esgotamento da prestación contributiva por desemprego se se accede ao subsidio por esta circunstancia.
• a data da última situación legal de desemprego se se accede por acreditar cotizacións insuficientes para o acceso á prestación contributiva.
• a data do retorno a España para fixar a túa residencia de forma permanente se se accede ao subsidio para persoas emigrantes retornadas.
• a data en que se emita pola Administración competente o correspondente informe que acredite que es vítima de violencia de xénero ou sexual, aquela en que se emita o informe do Ministerio Fiscal, ou a da notificación da correspondente sentenza ou resolución xudicial, se se accede ao subsidio para vítimas de violencia de xénero, sexual ou a exercida por pais ou fillos.
• para o acceso ao subsidio por desemprego para persoas traballadoras maiores de 52 anos:

Se accedes por esgotar o día 1 de novembro de 2024 ou con posterioridade, a unha prestación contributiva por desemprego: a data do feito causante é a do esgotamento da prestación contributiva.

Se accedes ao subsidio cotizando polo menos noventa días, a data do feito causante é a da última situación legal de desemprego anterior á solicitude do subsidio para traballadores maiores de 52 anos.

Se na data na que teñas dereito a renovar calquera subsidio cumpres todos os requisitos para acceder ao subsidio para persoas traballadoras maiores de 52 anos, considerarase data do feito causante a da continuación do subsidio.

Se cando esgotaches a prestación contributiva ou cando estiveches en situación legal de desemprego e polo menos cotizaras 90 días, cumprías todos os requisitos para acceder ó subsidio para persoas traballadoras maiores de 52 anos, pero non fixeras a idade de 52 anos e a fas con posterioridade, considerarase data do feito causante a do cumprimento da devandita idade, sempre que permaneceses inscrito ou inscrita como demandante de emprego.

No caso de que con posterioridade á data do feito causante se traballase por conta propia ou allea, para acceder ao subsidio será necesario que o cesamento no último traballo sexa, respectivamente, involuntario ou con situación legal de desemprego. 

DURACIÓN 

DURACIÓN DO SUBSIDIO POR ESGOTAMENTO DA PRESTACIÓN CONTRIBUTIVA POR DESEMPREGO:

O subsidio recoñecerase por períodos trimestrais prorrogables ata esgotar a duración máxima. A solicitude para prorrogalo débese presentar no prazo dos quince días hábiles seguintes á finalización do período trimestral. Presentada nese prazo prorrogarase desde o día seguinte á data de esgotamento do período de dereito trimestral. Se a presentas fóra do devandito prazo o dereito á prórroga nacerá a partir do día da súa solicitude, sempre que esta sexa presentada dentro dos seis meses seguintes á data do esgotamento do período trimestral. Se a prórroga a solicitas fóra deste prazo de seis meses, a solicitude será denegada, salvo que, no último día deste prazo, te atopases realizando traballos por conta propia ou allea, nese caso ampliarase o prazo de solicitude ata os quince días hábiles seguintes á finalización do traballo. Neste caso esixirase que o último cesamento previo ao recoñecemento da prórroga sexa involuntario ou constitúa situación legal de desemprego.

DURACIÓN DO SUBSIDIO POR ACREDITAR COTIZACIÓNS INSUFICIENTES PARA O ACCESO Á PRESTACIÓN CONTRIBUTIVA POR DESEMPREGO:

O subsidio recoñecerase por períodos trimestrais prorrogables ata esgotar a duración máxima. A solicitude para prorrogalo débese presentar no prazo dos quince días hábiles seguintes á finalización do período trimestral. Presentada nese prazo prorrogarase desde o día seguinte á data de esgotamento do período de dereito trimestral. Se a presentas fóra do devandito prazo o dereito á prórroga nacerá a partir do día da súa solicitude, sempre que esta sexa presentada dentro dos seis meses seguintes á data do esgotamento do período trimestral. Se a prórroga a solicitas fóra deste prazo de seis meses, a solicitude será denegada, salvo que, no último día deste prazo, te atopases realizando traballos por conta propia ou allea, nese caso ampliarase o prazo de solicitude ata os quince días hábiles seguintes á finalización do traballo. Neste caso esixirase que o último cesamento previo ao recoñecemento da prórroga sexa involuntario ou constitúa situación legal de desemprego.

DURACIÓN DO SUBSIDIO PARA MAIORES DE 52 ANOS:

A duración será ata que se alcance a idade ordinaria que se esixa para ter dereito á pensión contributiva de xubilación no sistema da Seguridade Social.

Para manter a percepción do subsidio para traballadores maiores de 52 anos debe presentar ante a entidade xestora unha declaración anual das súas rendas, acompañada da documentación acreditativa que corresponda. Esa declaración debe presentala cada vez que transcorran doce meses desde a data do nacemento do dereito ou desde a data da súa última continuación. O prazo para presentar esta declaración é de 15 días a partir daquel en que se cumpran os doce meses. Se non presenta esta declaración no prazo indicado, interromperase o pagamento do subsidio e da cotización á Seguridade Social. Se presenta a declaración fóra de prazo, renovarase o cobramento do subsidio, pero con efectos desde a data en que achegache a devandita declaración.

DURACIÓN DO SUBSIDIO PARA PERSOAS EMIGRANTES RETORNADAS:

A duración máxima será de 18 meses se se manteñen os requisitos.

O subsidio recoñecerase por períodos trimestrais prorrogables ata esgotar a duración máxima. A solicitude para prorrogalo débese presentar no prazo dos quince días hábiles seguintes á finalización do período trimestral. Presentada nese prazo prorrogarase desde o día seguinte á data de esgotamento do período de dereito trimestral. Se a presentas fóra do devandito prazo o dereito á prórroga nacerá a partir do día da súa solicitude, sempre que esta sexa presentada dentro dos seis meses seguintes á data do esgotamento do período trimestral. Se a prórroga a solicitas fóra deste prazo de seis meses, a solicitude será denegada, salvo que, no último día deste prazo, te atopases realizando traballos por conta propia ou allea, nese caso ampliarase o prazo de solicitude ata os quince días hábiles seguintes á finalización do traballo. Neste caso esixirase que o último cesamento previo ao recoñecemento da prórroga sexa involuntario ou constitúa situación legal de desemprego.

DURACIÓN PARA PERSOAS VÍTIMAS DE VIOLENCIA DE XÉNERO OU SEXUAL:

A duración máxima do subsidio será de 30 meses, salvo que fose unha persoa beneficiaria con anterioridade dun ou dous dereitos ao programa de Renda Activa de Inserción por esta mesma causa, nese caso, a duración máxima será de 20 e de 10 meses, respectivamente. Se desde o inicio da RAI transcorresen 3 ou máis anos, a duración do subsidio será de 30 meses.

O subsidio recoñecerase por períodos trimestrais prorrogables ata esgotar a duración máxima. A solicitude para prorrogalo débese presentar no prazo dos quince días hábiles seguintes á finalización do período trimestral. Presentada nese prazo prorrogarase desde o día seguinte á data de esgotamento do período de dereito trimestral. Se a presentas fóra do devandito prazo o dereito á prórroga nacerá a partir do día da súa solicitude, sempre que esta sexa presentada dentro dos seis meses seguintes á data do esgotamento do período trimestral. Se a prórroga a solicitas fóra deste prazo de seis meses, a solicitude será denegada, salvo que, no último día deste prazo, te atopases realizando traballos por conta propia ou allea, nese caso ampliarase o prazo de solicitude ata os quince días hábiles seguintes á finalización do traballo. Neste caso esixirase que o último cesamento previo ao recoñecemento da prórroga sexa involuntario ou constitúa situación legal de desemprego.

SUSPENSIÓN

A suspensión do dereito supón a interrupción do aboamento dos subsidios e no seu caso da cotización, e non afectará o período da súa percepción salvo no caso de sanción, e as causas que o motivan son:

1. Durante o período que corresponda por imposición de sanción por infraccións leves e graves nos termos establecidos no texto refundido da Lei sobre Infraccións e Sancións na Orde Social. Se finalizado o período ao que se refire o parágrafo anterior, o beneficiario de prestacións non se atopara inscrito como demandante de emprego ou mantivese suspendido o acordo de actividade, a continuación da prestación requirirá a previa acreditación da devandita inscrición e da reactivación do acordo de actividade por parte do beneficiario, ante a entidade xestora, mediante calquera medio válido en dereito.

2. Durante a situación de nacemento, adopción, garda con fins de adopción ou acollemento.
3. Mentres o titular do dereito estea cumprindo condena que implique privación de liberdade. Non se suspenderá o dereito se o titular solicita a súa continuidade acreditando que a suma das rendas da súa unidade familiar, dividida entre o número de membros que a compoñen non exceda do salario mínimo interprofesional.
4. Mentres o titular do dereito realice un traballo por conta allea, a tempo completo ou a tempo parcial, de duración inferior a doce meses, salvo nos supostos e durante o período máximo previstos no artigo 282.2 e 3 que establecen respectivamente a compatibilidade, logo de solicitude do traballador, da prestación contributiva cun traballo por conta allea a tempo parcial, e a compatibilidade do subsidio como complemento de apoio ao emprego cun traballo por conta allea a tempo completo ou parcial.

Mentres o titular do dereito realice un traballo por conta propia de duración inferior a sesenta meses no suposto de traballadores por conta propia que causen alta no Réxime Especial da Seguridade Social dos Traballadores por Conta Propia ou Autónomos ou no Réxime Especial da Seguridade Social dos Traballadores do Mar, ou a vinte e catro meses, no caso de actividades con alta nalgunha mutualidade de previsión social alternativa ao Réxime Especial da Seguridade Social dos Traballadores por Conta Propia ou Autónomos.

5. Cando continúe prestando servizos ou non os preste por vontade da empresa, nos casos en que unha sentenza declare a improcedencia ou nulidade do despedimento e o empresario ou a empresaria opte pola súa readmisión e interpoña algún recurso, mentres dure a tramitación do recurso. Tamén se suspende no caso de que sexa a persoa traballadora quen opte pola readmisión e interpoña o recurso.
6. Nos supostos de traslado de residencia ao estranxeiro nos que o beneficiario declare que é para a procura ou realización de traballo, perfeccionamento profesional ou cooperación internacional, por un período continuado inferior a doce meses, sempre que a saída ao estranxeiro estea previamente comunicada e autorizada pola entidade xestora, sen prexuízo da aplicación do previsto sobre a exportación das prestacións nas normas da Unión Europea.
7. Nos supostos de estadía no estranxeiro por un período, continuado ou non, de ata noventa días naturais como máximo durante cada ano natural, sempre que a saída ao estranxeiro estea previamente comunicada e autorizada pola entidade xestora. Non terá consideración de estancia nin de traslado de residencia a saída ao estranxeiro por tempo non superior a quince días naturais por unha soa vez cada ano, sen prexuízo do cumprimento das obrigas establecidas.
8. Cando os beneficiarios das prestacións por desemprego incumpran a obriga de presentar, nos prazos establecidos, os documentos que lles sexan requiridos pola entidade xestora, sempre que estes poidan afectar á conservación do dereito ás prestacións.
9. Durante os períodos en que os beneficiarios non figuren inscritos como demandantes de emprego no servizo público de emprego competente, salvo que se atopen traballando por conta allea a xornada completa e compatibilizando a prestación ou o subsidio como complemento de apoio ao emprego conforme ao establecido.
10. Durante os períodos nos que, de acordo coa comunicación do Servizo Público de Emprego competente, se incumpra ou suspenda o acordo de actividade.
11. No caso de incumprimento de presentar anualmente a declaración correspondente ao IRPF, a suspensión terá lugar cando a entidade xestora detecte que as persoas beneficiarias de prestacións incumprisen durante un exercicio fiscal a obriga de presentar a declaración do Imposto sobre a Renda das Persoas Físicas, nas condicións e prazos previstos na normativa tributaria aplicable.
12. Cando os traballadores fixos descontinuos que sexan chamados a reiniciar a súa actividade non se reincorporen ao seu posto de traballo, salvo causa xustificada.

CONTINUACIÓN

Os subsidios por desemprego retomaranse:

1. De oficio pola entidade xestora, nos supostos recollidos no apartado 1.a) sempre que o período de dereito non se atope esgotado.
2. Previa solicitude do interesado, nos supostos recollidos nas letras b), c), d), e), f) e g) do apartado 1, sempre que se acredite que finalizou a causa de suspensión, que, se é o caso, esa causa constitúe situación legal de desemprego ou inscrición como demandante de emprego no caso dos traballadores por conta propia.

Se tras o cesamento no traballo por conta propia o traballador tivese dereito á protección por cesamento de actividade, poderá optar entre percibir esta ou reabrir o dereito á protección por desemprego suspendida. O dereito á continuación nacerá a partir do termo da causa de suspensión sempre que se solicite no prazo dos quince días seguintes, e o recoñecemento da continuación requirirá a inscrición como demandante de emprego e a reactivación do acordo de actividade, salvo naqueles casos nos que a entidade xestora esixa a subscrición dun novo acordo. Se se presenta a solicitude transcorrido o prazo citado, produciranse os efectos previstos no artigo 268.2. No caso de que o período que corresponde ás vacacións anuais retribuídas non fose gozado, será de aplicación o establecido no artigo 268.3.

3. A partir da data en que queda acreditado que cumpre os requisitos legais establecidos para o mantemento do dereito, nos supostos do apartado 1.h) e k).
4. A partir da data da inscrición como demandante de emprego, ou reactivación do acordo de actividade, salvo que proceda o mantemento da suspensión da prestación ou a súa extinción por algunha das causas previstas nesta ou outra norma, nos supostos previstos no punto 1. i) e j).
5. Previa solicitude do interesado acreditando unha nova situación legal de desemprego, no suposto previsto na letra l) do apartado 1. O dereito á continuación nacerá a partir do día seguinte ao da situación legal de desemprego sempre que se solicite no prazo dos quince días hábiles seguintes. En caso contrario, produciranse os efectos previstos no artigo 268.2. O recoñecemento da continuación requirirá a inscrición como demandante de emprego e a reactivación do acordo de actividade, salvo naqueles casos nos que a entidade xestora esixa a subscrición dun novo acordo.

EXTINCIÓN

O dereito á percepción dos subsidios por desemprego extinguirase nos casos seguintes:

1. Esgotamento do prazo de duración da prestación.
2. Imposición de sanción nos termos previstos no texto refundido da Lei sobre Infraccións e Sancións na Orde Social, aprobado por Real decreto lexislativo 5/2000, do 4 de agosto.
3. Realización dun traballo por conta allea de duración igual ou superior a doce meses, sen prexuízo do dereito de opción (cando o dereito á prestación se extinga por realizar o titular un ou varios traballos de duración acumulada igual ou superior a doce meses, sen retomar entre eles a prestación por desemprego), ou realización dun traballo por conta propia, por tempo igual ou superior a sesenta meses no suposto de traballadores por conta propia que causen alta no Réxime Especial da Seguridade Social dos Traballadores por Conta Propia ou Autónomos ou no Réxime Especial da Seguridade Social dos Traballadores do Mar, ou a vinte e catro meses, no caso de actividades con alta nalgunha mutualidade de previsión social alternativa ao Réxime Especial da Seguridade Social dos Traballadores por Conta Propia ou Autónomos.
4. Cumprimento, por parte do titular do dereito, da idade ordinaria esixida en cada caso para causar dereito á pensión contributiva de xubilación, salvo que o traballador non tivese acreditado o período de cotización requirido para iso ou se trate de supostos de suspensión de contrato ou redución de xornada.
5. Pasar a ser pensionista de xubilación ou de incapacidade permanente nos graos de incapacidade permanente total, incapacidade permanente absoluta ou grande invalidez. Non obstante, nestes casos, o beneficiario poderá optar pola prestación máis favorable.
6. Traslado de residencia ou estadía no estranxeiro, salvo nos supostos que sexan a causa de suspensión recollidos nas letras f) e g) do apartado anterior de suspensión.
7. Renuncia voluntaria ao dereito.
8. Transcurso do prazo de seis anos desde a data de baixa da prestación sen continuar o dereito.

Se transcorren seis meses desde o esgotamento da prórroga trimestral sen que se solicitase a prórroga, o subsidio extinguirase polo transcurso de 6 meses, salvo que se atope nesa data traballando, nese caso extinguirase polo transcurso do prazo dos quince días seguintes á finalización do traballo sen solicitar a prórroga acreditando cumprir todos os requisitos para o seu recoñecemento.