O convenio especial configúrase como unha situación asimilada á alta, que deriva dun acordo de vontades entre o subscritor e a Tesourería Xeral da Seguridade Social, con obriga do subscritor de aboar ao seu exclusivo cargo as cotas que correspondan co fin de cotizar e causar dereito ás prestacións derivadas das continxencias cubertas no convenio especial.

Non obstante, existen excepcións como os convenios ERE nos que a cotización é a cargo da empresa, ata o cumprimento dos 61/63 anos do traballador incluído no ERE ou os convenios de coidadores non profesionais que actualmente son financiados polo IMSERSO.

A finalidade da subscrición dun convenio especial coa Seguridade Social é cotizar á Seguridade Social para os efectos de obter a cobertura das continxencias comúns protexidas polo convenio.

Estas continxencias son:

• Incapacidade permanente derivada de enfermidade común e accidente non laboral
• Morte e supervivencia derivada de enfermidade común e accidente non laboral
• Xubilación