Afiliación

A TGSS é responsable de manter un censo completo e actualizado de empresas e traballadores adscritos ao sistema. O soporte informático é o Ficheiro Xeral de Afiliación (FGA).

Unha vez concedida a autorización no Sistema RED, ao usuario permitiráselle acceder ao FGA, onde poderá depurar a súa base de datos de traballadores ao poder comparala coa da TGSS.

A continuación móstranse as actuacións permitidas no ámbito de afiliación:

AFILIADOS

As actuacións que hai que realizar no ámbito dos afiliados dunha empresa, permiten transmitir e procesar accións de afiliación para os traballadores individuais adscritos aos Códigos de Conta de Cotización que posúe a empresa. As actuacións permitidas neste ámbito son as seguintes:

• Trámites Traballadores
  • Altas Sucesivas e Baixas
  • Cambio de grupo de Cotización
  • Modificación Eliminación de Movementos Previos
  • Cambio de Contrato (Tipo/Coeficiente)
  • Cambio de Ocupación de AT.
  • Eliminación de Altas Consolidadas
  • Eliminación de Baixas Consolidadas
  • Modificación Sistema Especial R.X.0132 (Vexetais)
  • Anotación de Xornadas Reais
  • Modificación Da Data da Alta (REX. 0613)
  • Cambio de Categoría Profesional
  • Situacións Adicionais de Afiliación
  • Cambio Coeficiente Redutor Idade  Xubilación
  • Traballadores Subcontratados ou Cedidos
  • Días traballados en contratos a tempo parcial
  • Anotación de Convenio Colectivo
  • Corrección Modalidade ou 5JR Semana Segundo Convenio
  • Suspensións por Prestacións de Curta Duración
    
• Consultas
  • Consulta Situación Afiliado na Empresa
  • Consulta Situación da Empresa
  • Consulta de Traballadores nunha Empresa
  • Consulta Número de Afiliación
  • Consulta de NAF por IPF
  • Consulta alta Traballadores noutra Empresa
    
• Informes
  • Vida Laboral de Afiliados
  • Informe de Afiliado en Alta nun C.C.C.
  • Informe de IT por Enfermidade Común
  • Informe do  número medio de Traballadores
  • Informe de Movementos Previos de Afiliados
  • Informe de Traballadores con Movementos Previos nun C.C.C.
  • Duplicados de Documentos TA
  • Informe de Situación dun C.C.C.
  • Vida Laboral dun C.C.C.
  • Informe de Xornadas Reais
  • Informe datos de cotización-Traballadores Conta Allea
  • Informe datos de cotización/Período liquidación-CCC
  • Informe datos de cotización/Período liquidación NSS
  • Informe Equipo Medio de Traballadores en Alta
  • Informe datos de cotización /Relación Laboral-NSS
    
• Trámites C.C.C.
  • Anotación de Convenio Colectivo (Empresa)
  • Inscrición C.C.C. de Empresario Individual
  • Asignación C.C.C. Secundaria de Empresario Colectivo
  • Modificación de domicilio de CCC
  • Solicitude de Colaboración Económica en IT
  • Renuncia de Colaboración Económica en IT
  • Anulación Solicitude/Renuncia colaboración IT
    
• Sistema especial de Traballadores Autónomos
  • Solicitude de Alta en RETA
  • Solicitude de Baixa en RETA
  • Solicitude de cambio de domicilio en - RETA

Se a súa empresa realiza habitualmente os movementos de afiliación dun xeito descentralizado, é dicir, dende distintas sedes, o Sistema RED permítelle continuar co seu mesmo modelo de xestión. Só necesita un número de autorización e solicitar varios usuarios secundarios, de maneira que cada un teña un acceso ao Sistema RED.

O Sistema RED permite actuar no ámbito de afiliación de dúas maneiras: en tempo real (Afiliación En Liña) e mediante ficheiro (Afiliación Remesas).

EN TEMPO REAL: AFILIACIÓN EN LIÑA

Consiste na actuación sobre datos do ordenador central da TGSS, a través do seu ordenador, que actúa como terminal, sen intermediarios.

De igual xeito que un terminal de axencia de viaxes entra en contacto co centro de reservas dunha liña aérea e realiza a reserva no momento, vostede pode conectarse aos ordenadores da Seguridade Social e realizar altas, baixas ou variacións de datos, de tal forma que os datos introducidos producen efecto no mesmo momento.

Para levar a cabo isto, o usuario débese conectar á páxina Web da Seguridade Social www.seg-social.es, e premer na opción "Acceso Sistema RED en liña" dispoñible na sección "A un clic" situado na parte dereita da pantalla. Unha vez validado o contrasinal do seu certificado SILCON o usuario, a través da opción "Servizos RED", poderá acceder ao Ficheiro Xeral de Afiliación a través de INTERNET e realizar movementos de consultas, informes e actualizacións de información.

Esta modalidade encóntrase dispoñible de luns a venres de 08:00 a 20:00 (horario peninsular).

Cabe destacar a posibilidade de poder imprimir directamente en liña a información solicitada

AFILIACIÓN POR REMESAS

A través do programa de nóminas e xestión de persoal adaptado xéranse uns ficheiros electrónicos, cumprindo as especificacións técnicas de formato que esixe a TGSS. O contido variará en función da acción que se queira levar a cabo.

Se o seu programa de nóminas non é capaz de xerar ficheiros de afiliación, estes poden ser xerados directamente cubrindo os datos necesarios desde a WinSuite32.

Por un procedemento semellante ao descrito para a cotización, estes ficheiros sonlle remitidos á TGSS como mensaxes a través de Internet. Posteriormente, estes ficheiros son tratados na TGSS e a continuación o usuario recibe notificación acerca da aplicación dos movementos que enviou. A esta notificación poderá acceder a través da opción "Visualizar as mensaxes recibidas" dentro do apartado "Comunicacións" de WinSuite32.

Esta modalidade está dispoñible as 24 horas do día.