• Os períodos de seguro acreditados en calquera dos dous países antes da data de entrada en vigor do Convenio, serán tomados en conta para a determinación do dereito e a contía das prestacións que se recoñezan ao amparo do mesmo.
• As pensións que fosen concedidas por un ou ambos os dous países ou os dereitos a prestacións que fosen denegados antes da entrada en vigor do Convenio, poderán ser revisados ao seu abeiro, a petición dos interesados. Non obstante, non se revisarán as prestacións aboadas que consistisen nun pagamento único.
• A aplicación do Convenio permite o exame do dereito a prestacións por continxencias que tivesen lugar con anterioridade á data da súa entrada en vigor, se ben, o aboamento destas non se efectuará en ningún caso por períodos anteriores á súa vixencia.