O Convenio Europeo de Seguridade Social e Convenio Complementario para a aplicación do mesmo asinaron en París o 14 de decembro de 1972. O Instrumento de Ratificación do Convenio Europeo de Seguridade Social publicouse no Boletín Oficial do Estado de data o 12 de novembro de 1986 e entrou en vigor o 25 de abril de 1986.

Os países que están adheridos ou que ratificaron este convenio son: Austria, Bélxica, España, Italia, Luxemburgo, Países Baixos, Portugal e Turquía.

Como norma xeral, os traballadores desprazados, están sometidos á lexislación do país en cuxo territorio están exercendo a súa actividade laboral. Agora ben, se se trata dun traslado temporal poden manter a lexislación española de Seguridade Social nos termos e requisitos que se indican a continuación.

Aplícase aos traballadores nacionais dos seguintes países: Austria, Bélxica, España, Italia, Luxemburgo, Países Baixos, Portugal e Turquía.

Desprazamento inicial

Para os desprazamentos de

• Os traballadores asalariados incluídos no Réxime Xeral
• aos traballadores asalariados do réxime especial do mar
• aos traballadores autónomos (algúns casos)

Solicitarase ante as direccións provinciais da Tesourería Xeral da Seguridade Social ou as súas administracións a expedición dun certificado que declare que o traballador continúa sometido á lexislación española de Seguridade Social.

Formulario

A empresa ou traballador por conta propia efectuarán a solicitude segundo o modelo TA-200  "Solicitude de mantemento da lexislación española de Seguridade Social.-Desprazamentos iniciais" e xuntaranlle o formulario CE.1* "Certificado de desprazamento temporal" cuberto en triplicado exemplar. Cando o desprazamento se refira a traballadores autónomos xuntarase tamén un escrito da Seguridade Social turca que indique que nese país non existe lexislación específica para os traballadores autónomos.

A expedición do certificado acredita que o traballador continúa sometido á lexislación española de Seguridade Social durante o seu desprazamento nese país e, xa que logo, está exento de cotizar á Seguridade Social de Turquía.

Período que se autoriza.

O prazo máximo de duración do desprazamento non poderá ser superior a doce meses.

Prórroga ordinaria

Só para traballadores por conta allea do réxime xeral e do réxime especial do mar.

Se se prevé que o desprazamento vai durar máis alá dos doce meses inicialmente previstos e autorizados, o empresario deberá solicitar, con suficiente antelación, a prórroga ante a Subdirección Xeral de Afiliación, Cotización e Xestión do Sistema RED da Tesourería Xeral da Seguridade Social.

Formulario

A solicitude de prórroga deberá efectuarse no modelo TA-202  "Solicitude de mantemento da lexislación española de Seguridade Social en aplicación do |art. 17 do Regulamento CEE  1408/71 e doutras prórrogas dos Convenios Bilaterais" e achegarase o formulario CE.2  cuberto en catro exemplares.

Unha vez comprobado que o formulario está debidamente cuberto, remítese á oficina de enlace correspondente de Turquía solicitando a súa aprobación.

A expedición deste formulario pola Seguridade Social turca, acredita que o traballador continúa sometido á lexislación española de Seguridade Social durante o período autorizado nel.

Período que se autoriza.

O convenio non delimita o período de tempo da prórroga.

Outros desprazamentos

Direccións provinciais ou administracións da Tesourería Xeral da Seguridade Social

Serán os organismos competentes para autorizar os desprazamentos relativos a:

• Traballadores asalariados dos transportes internacionais incluídos no réxime xeral.
  
  Solicitarase ante as direccións provinciais da Tesourería Xeral da Seguridade Social ou administracións delas, a expedición dun certificado que declare que o traballador continúa sometido á lexislación española de Seguridade Social. A empresa efectuará a solicitude no modelo TA-200.
  
  A Dirección Provincial ou Administración competente expedirán, previa comprobación da alta na Seguridade Social, o modelo CE.1* "Certificado de desprazamento", para toda a duración do desprazamento.

• Traballadores autónomos.
  
  Os traballadores por conta propia que exerzan a actividade nos dous países continuarán sometidos á lexislación española de Seguridade Social se residen en España.
  
  A Dirección Provincial ou Administración competente expedirán de ano en ano, o modelo CE.1* "Certificado de desprazamento" mentres manteñan a súa residencia en España.

Subdirección Xeral de Afiliación, Cotización e Recadación do Sistema RED.

Persoal das misións diplomáticas e oficinas consulares:

Os españois que desenvolvan a súa actividade nas misións diplomáticas e oficinas consulares españolas en Turquía, e que opten pola lexislación española de Seguridade Social, solicitarán ante a Tesourería Xeral da Seguridade Social (Subdirección Xeral de Afiliación, Cotización e Xestión do Sistema RED), a expedición do modelo (E/C.EUR.3 (Cert)) "Certificado de lexislación aplicable.-Dereito de opción", no que se acredita que permanecerán sometidos a esta lexislación mentres estean ocupados na misión diplomática ou posto consular, ou mentres estean ao servizo particular de membros de tal misión ou posto

Este dereito de opción só poderá exercerse unha vez, nos tres meses seguintes á data na que o traballador sexa contratado pola misión diplomática ou oficina consular, ou comece a prestar servizo privado aos axentes da misión ou oficina.