O organigrama amosa os Organismos e Entidades que integran a Seguridade Social.

Como órgano superior encóntrase o Ministerio de Inclusión, Seguridade Social e Migracións, do que depende a Secretaría de Estado de Seguridade Social e Pensións. Como órgano de apoio e asistencia inmediata ao Secretario de Estado existe un Gabinete, cun nivel orgánico de Subdirección Xeral.

Á súa vez, da Secretaría de Estado dependen a Dirección Xeral de Ordenación da Seguridade Social, a Intervención Xeral da Seguridade Social e o Servizo Xurídico da Administración da Seguridade Social.

A xestión do Sistema de Seguridade Social español atribúese, entre outros, aos seguintes entes públicos adscritos ao Ministerio de Inclusión, Seguridade Social e Migracións a través da Secretaría de Estado de Seguridade Social e Pensións: o Instituto Nacional da Seguridade Social (INSS), o Instituto Social da Mariña (ISM), a Tesouraría Xeral da Seguridade Social (TGSS) e a Xerencia de Informática da Seguridade Social.