Seguridade Social

Beneficiarios

Titulares do dereito e beneficiarios ao seu cargo que cumpran os requisitos esixidos pola lexislación española e polos Regulamentos Comunitarios de Seguridade Social da Unión Europea.

Solicitude e Renovación

Por Internet, en Sede Electrónica da Seguridade Social, non sendo necesario dispoñer de certificado dixital para acceder a este servizo

• Solicitude da Tarxeta Sanitaria Europea (TSE)

Nalgúns supostos non se poderá solicitar a través deste servizo, senón que deberá presentarse en calquera dos Centros de Atención e Información da Seguridade Social (CAISS), ao ser necesario achegar documentación que acredite o dereito a exportar as prestacións sanitarias.

Calquera que sexa a forma de solicitude da TSE, esta enviarase ao domicilio do solicitante nun prazo non superior a 10 días, non entregándose en man en ningún caso.

Se non se pode obter a TSE, poderá solicitar un Certificado Provisional Substitutivo (CPS)

• Solicitude do Certificado Provisional Substitutivo (CPS)

Validez

A Tarxeta Sanitaria Europea (TSE) é válida por 2 anos, indicándose a data de caducidade na mesma. Se vostede necesita acreditar o dereito a recibir prestacións sanitarias nun período anterior deberá necesariamente solicitar un Certificado Provisional Substitutivo (CPS).

É importante que antes de realizar un desprazamento a calquera país da Unión Europea, do Espazo Económico Europeo ou a Suíza, comprobe que dispón de Tarxeta Sanitaria Europea (TSE) e que o período de validez desta comprende a data de regreso prevista. Se non é así, solicite unha nova Tarxeta para asegurar a cobertura sanitaria durante a súa estancia.

Estados nos que ten validez a TSE:

Alemaña, Austria, Bélxica, Bulgaria, Chipre, Dinamarca, Eslovaquia, Eslovenia, Estonia, Finlandia, Francia, Grecia, Hungría, Irlanda, Islandia, Italia, Letonia, Liechtenstein, Lituania, Luxemburgo, Malta, Noruega, Países Baixos, Polonia, Portugal, Reino Unido, República Checa, Romanía, Suecia e Suíza.

SUBIR