A comunicación das situacións asimiladas á alta, previstas nesta norma, realizarase a través do procedemento establecido pola Tesouraría Xeral da Seguridade Social, dentro dos seguintes prazos e efectos:

1. Desprazamento de traballadores a un país onde non resulte aplicable ningún instrumento internacional ou sendo aplicable un instrumento internacional, estes traballadores non se atopen incluídos dentro do seu ámbito de aplicación subxectivo (Art.º 4).
   
   Nas situacións previstas nos apartados a) e b) do artigo 3; a empresa deberá informar do desprazamento do traballador con anterioridade ao inicio, e nos termos e cos efectos previstos para as solicitudes de alta nos artigos 32, 35 e 38 do Regulamento Xeral sobre inscrición de empresas e afiliación, altas, baixas e variacións de datos de traballadores na Seguridade Social, aprobado polo Real Decreto 84/1996, do 26 de xaneiro.
2. Desprazamento de traballadores a un país no que resulte aplicable un instrumento internacional en materia de coordinación dos sistemas de Seguridade Social (Art.º 5): 
   
   Nas situacións do art.º 3.c); a empresa, previo acordo co traballador, informará do desprazamento nos seguintes termos:

1. 1. Se a solicitude se realiza antes da finalización do período máximo establecido no instrumento internacional, ou ata o último día do mes seguinte á súa finalización; os efectos produciranse dende o día seguinte á súa finalización.
   2. Se se solicitou unha prórroga, e o país de destino contesta denegando esta prórroga, procederá a baixa do traballador dende a data de inicio do período non autorizado; agás que a empresa previo acordo co traballador, solicite a situación asimilada como prazo máximo o último día do mes seguinte da baixa, aplicándose esta situación dende a data de finalización do período máximo autorizado.
   3. Se a solicitude se realiza fóra dos prazos anteriores, fará efecto unicamente dende a data de presentación da solicitude.

Nas situacións definidas no artigo 3.d), a empresa, previo acordo co traballador, poderá solicitar á Tesouraría Xeral da Seguridade Social que este continúe suxeito á lexislación española de Seguridade Social, en situación asimilada á de alta no réxime da Seguridade Social no que estivesen encadrados, nos termos previstos no artigo 7 e cos efectos sinalados nos anteriores apartados a) e c).

Finalmente, a orde regula no seu artigo 8, a información que debe ser comunicada polas empresas á Tesouraría Xeral da Seguridade Social:

a) Data de inicio do desprazamento nos supostos dos apartados a), b) e d) do artigo 3.
b) País no que se atopa a persoa traballadora desprazada.
c) Data prevista, se é o caso, de finalización do desprazamento, indicando se a persoa traballadora continuará ou non prestando os seus servizos en España.

Nos supostos dos apartados c) e d) do artigo 3, de vinculación voluntaria á Seguridade Social española, os traballadores e as empresas deberán formalizar por escrito, de forma conxunta e no modelo oficial establecido pola Tesouraría da Seguridade Social, o acordo para a vinculación ao sistema da Seguridade Social española, con independencia da aplicación obrigatoria, así mesmo, da lexislación nesta materia do país no que se atopen desprazados.

A súa comunicación realizarase a través do Sistema RED, a través dunha situación adicional.
Para os efectos de dar cumprimento na Orde ISM/835/2023 sobre a consideración de situacións asimiladas á alta no Sistema da Seguridade Social das persoas traballadoras desprazadas ao estranxeiro por empresas que exercen a súa actividade en territorio español, proximamente habilitaranse as seguintes SAA:

• SAA 150: TRAB.DESPRAZADO NON INST.INTERNACIONAL / DESPRAZADO NON I.I. Suposto considerado en art.º 3.a.
• SAA 151: TRAB.DESPRAZADO NON ÁMBITO SUBX.INS.INT. / DESPR.NON AMB.SUBX.I.I. Suposto considerado en art.º 3.b.
• SAA 152: TRAB.DESPRAZADO ESGOT.PERÍODO MÁXIMO / DESP.ESGOT.PESR.MAX. Suposto considerado no art.º 3.c, cando se esgote o período máximo do instrumento internacional aplicable.
• SAA 153: TRAB.DESPRAZADO PRORROGA DENEGADA/ DESP.PRORROG/DENEGAD. Suposto considerado no art.º 3.c, cando se denegue a prórroga solicitada ao abeiro do instrumento internacional aplicable.
• SAA 154: TRAB.DESPRAZADO INST.INT.NON DESPRAZAMENTO / DESP.II.NON DESPRAZAM. Suposto considerado en art.º 3.d.
  

Proximamente informarase da data na que estarán operativas as citadas SAA.

A acción Protectora establecida para os supostos definidos no artigo 3, puntos a) e b) (Artigo 10.1), de situación asimilada á alta, comprenderá os subsidios por incapacidade temporal derivada de continxencias comúns ou profesionais, nacemento e coidado de menor, exercicio corresponsable do coidado de lactante, risco durante o embarazo, risco durante a lactación natural e coidado de menores afectados por cancro ou outra enfermidade grave, ademais das pensións contributivas de incapacidade permanente e morte e supervivencia derivadas de continxencias comúns ou profesionais e a pensión contributiva de xubilación, coa extensión e o alcance previstos na normativa aplicable ao réxime da Seguridade Social no que estivesen encadrados.

A acción protectora prevista para os supostos definidos no artigo 3, puntos c) e d) (Artigo 10.2), comprenderá as pensións contributivas de incapacidade permanente e morte e supervivencia derivadas de continxencias comúns e a pensión contributiva de xubilación, coa extensión e o alcance previstos na normativa aplicable ao réxime da Seguridade Social no que estivesen encadrados.

A nova norma entra en vigor o 1 de novembro de 2023, a partir de cuxa data deixará de aplicarse a OM do 27 de xaneiro de 1982.

Establécese un réxime transitorio de 6 meses posteriores dende a entrada en vigor da Orde:

1. As empresas que conten con persoas traballadoras desprazadas ao estranxeiro que, na data de entrada en vigor desta orde, se atopen na situación establecida no parágrafo b) do artigo 3 deberán comunicar o devandito desprazamento á Tesouraría Xeral da Seguridade Social, no prazo de seis meses contados dende a entrada en vigor desta orde, nos mesmos termos e cos efectos previstos para as solicitudes de alta nos artigos 32, 35 e 38 do Regulamento Xeral sobre inscrición de empresas e afiliación, altas, baixas e variacións de datos de traballadores na Seguridade Social.
2. As empresas que conten con persoas traballadoras desprazadas ao estranxeiro que, na data de entrada en vigor desta orde, se atopen nalgunha das situacións establecidas nos parágrafos c) e d) do artigo 3 poderán, logo de acordo coas persoas afectadas, solicitar a vinculación voluntaria destas á Seguridade Social española, consonte ao previsto nos artigos 7, 8 e 9, no prazo de seis meses contados dende a entrada en vigor desta orde. A Orde non xerará dereitos en períodos anteriores á súa entrada en vigor.
   

O 22 de xullo publicouse no BOE da Orde ISM/835/2023, do 20 de xullo, pola que se regula a situación asimilada á de alta no sistema da Seguridade Social das persoas traballadoras desprazadas ao estranxeiro ao servizo de empresas que exercen as súas actividades en territorio español. Esta nova orde substitúe á anterior normativa de 1982.

A Orde define os desprazados como os traballadores empregados en España dunha empresa que exerce as súas actividades en territorio español e son enviados a outro país co fin de realizar un traballo asalariado por conta da devandita empresa.

Esta Orde establece como novidade a posibilidade de aplicarse con carácter voluntario, aos traballadores desprazados a países con instrumento internacional de coordinación dos sistemas de Seguridade Nacional, que, unha vez finalizado o período máximo previsto de desprazamento no instrumento internacional, se ven obrigadas (segundo normativa do país destino) a desvincularse temporalmente da Seguridade Social española, e a cotizar no país de destino
Aplícase aos traballadores de calquera nacionalidade.

Supostos de situación asimilada á alta

Establécense catro supostos de situación asimilada á de alta no réxime da Seguridade Social para traballadores por conta allea desprazados (Art.º 3):

1. Desprazamento a un país sen instrumento internacional de coordinación de sistemas de Seguridade Social aplicable.
2. Desprazamento a un país con instrumento internacional aplicable, pero que non inclúe traballadores con nacionalidade distinta á das partes.
3. Desprazamento a un país con instrumento internacional aplicable que permite a aplicación da lexislación de Seguridade Social do país de orixe durante o desprazamento, unha vez esgotado o período máximo previsto no instrumento internacional.
4. Desprazamento a un país con instrumento internacional aplicable que non prevé a figura do desprazamento de traballadores por empresas ao territorio da outra parte.

As situacións asimiladas á alta indicadas anteriormente manteranse exclusivamente durante o período de desprazamento que teña orixe na contratación formalizada en España, mesmo se o traballador cambia de país de destino, sempre e cando neste último concorran as condicións establecidas nos artigos 3.a), 3.b), ou 3.d) da norma e sexa comunicado en prazo á Tesouraría Xeral da Seguridade Social.

Calquera nova contratación que se formalice fóra de España implicará a extinción da situación asimilada á de alta, agás as excepcións previstas na Orde.