Dende o 1 de xaneiro de 2024 os alumnos que realicen prácticas formativas, remuneradas ou non, están incluídos no sistema da Seguridade Social.

Trátase dunha extensión de dereitos que beneficia aos máis novos que, deste modo, poderán comezar unha carreira de cotización que lles permitirá xerar dereitos a futuro, posto que supoñerá o recoñecemento deste tempo como cotizado para os efectos da futura pensión, ao tempo que estarán máis protexidos durante o desenvolvemento das súas prácticas.

O obxectivo principal é mellorar e ampliar os dereitos dos alumnos, incluíndoos no sistema de Seguridade Social. Isto permite que empecen unha carreira de cotización e que estean cubertos pola acción protectora da Seguridade Social mentres realizan as prácticas. Favorécense así os estudantes e, en concreto, os máis novos fortalecendo a súa conexión coa Seguridade Social e incentivando a súa formación.