Os centros sanitarios colaboradores deberán presentar a seguinte documentación:
- A escritura de constitución ou modificación, se é o caso, inscrita no Rexistro Mercantil, cando este requisito fose esixible conforme á lexislación mercantil que lle sexa aplicable. Se non o for, deberá acompañarse da escritura ou documento de constitución, estatutos ou acto fundacional, no que consten as normas polas que se regula a súa actividade, inscrito, no seu caso, no correspondente Rexistro oficial.
- Documento Nacional de Identidade (DNI), ou documento que o substitúa, dos empresarios, persoas físicas e, se é o caso, do seu representante legal.
- No suposto de que o centro sanitario actúe por medio de apoderado, poder bastante ao efecto e fotocopia debidamente legalizada do seu DNI, ou do documento que o substitúa. O poder deberá figurar inscrito no Rexistro Mercantil, agás se se trata dun poder para acto concreto.
- Documento acreditativo do Código de Identificación Fiscal (CIF), o DNI, ou documento que o substitúa, das persoas facultadas para licitar e/ou formalizar contratos coas Administracións Públicas, así como o documento de apoderado ou de outorgamento de facultades para estes actos.
- Memoria descritiva do centro, que detalla a función e o nivel de cobertura asistencial que ofrece e o equipamento material co que conta.
- Achega, mediante soporte informático, das bases de datos cos medios privados propios ou concertados ofertados para a colaboración.
- Relación nominal, en vigor, do persoal que presta a súa actividade no centro.
- Copia do título oficial de cada un dos profesionais sanitarios, que faga referencia á súa especialidade.
- Autorización administrativa, en vigor, de apertura e funcionamento do centro, expedida pola Consellaría de Sanidade da Comunidade Autónoma correspondente ou autorización ou habilitación para prestar asistencia sanitaria en España.
- Certificado, en vigor, de estar ao corrente das obrigas tributarias e de Seguridade Social, expedido polo órgano competente.
- Acreditación da solvencia económica ou profesional.
- Certificado de estar dado de alta no censo de Imposto de Actividades Económicas ou, no seu defecto, o último recibo de pagamento deste.
Se quen solicita a colaboración é un profesional sanitario incluído no RETA, deberá achegar:
- O documento onde conste a relación contractual que o vincula ao centro onde presta os seus servizos. Se o devandito profesional estivese incluído nunha mutualidade de previsión social alternativa ao RETA, deberá achegar ademais un certificado que acredite a alta nesta.
- Solicitude na que conste o nome, os apelidos, o IPF e a especialidade a desempeñar.
- Copia do título oficial da súa especialidade.
- Certificado, en vigor, de estar ao corrente das obrigas tributarias e de Seguridade Social, expedido polo órgano competente.
- Acreditación da solvencia económica ou profesional.
- Certificado de estar dado de alta no censo de Imposto de Actividades Económicas ou, no seu defecto, o último recibo de pagamento deste.
- Achega, mediante soporte informático, das bases de datos cos medios privados propios ou concertados ofertados para a colaboración.
Ademais da documentación anterior, tanto os centros coma os profesionais sanitarios deberán achegar as seguintes declaracións responsables:
- Declaración responsable sobre confidencialidade de datos médicos.
- Declaración responsable sobre medios para a asistencia.
Para manter a autorización concedida ao centro ou profesional colaborador será condición indispensable actualizar a documentación esixida sempre que sexa necesario e, en todo caso, anualmente.