Os traballadores por conta allea pertencentes a empresas que, en virtude de convenio colectivo ou pacto, os substitúe ao tempo do seu cesamento por xubilación por outros traballadores, sempre que se cumpran as condicións e os requisitos esixidos:
En relación co traballador:
-
Tener 64 anos de idade real.
Para feitos causantes a partir do 01-01-2008, data de vixencia da Lei 40/2007, do 4 de decembro, de medidas en materia de Seguridade Social, a idade debe ser real, sen que se teñan en conta as bonificacións por traballos penosos ou por discapacidade (|art. 161 bis LGSS ). -
Reunir os demais requisitos xerais esixidos para causar dereito á xubilación normal ou ordinaria: estar en alta ou en situación asimilada á de alta no réxime correspondente e acreditar o período mínimo de cotización.
-
Pertencer a unha empresa que, en virtude de convenio ou pacto, estea obrigada a substituír, simultaneamente, o traballador que se xubila por outro traballador que se atope inscrito como desempregado na correspondente oficina de emprego.
En relación coa empresa, o contrato para substituír o traballador que se xubila:
-
Debe cumprir os requisitos e condicións esixidos pola normativa específica da modalidade de contratación elixida, que pode ser calquera das legalmente previstas, excepto a contratación a tempo parcial e a contratación eventual por circunstancias do mercado, acumulación de tarefas ou exceso de pedidos.
-
Debe ter unha duración mínima dun ano.
-
Formalizarase sempre por escrito e deberá constar o nome do traballador que se substitúe.
-
Rexistrarase na oficina de emprego correspondente, onde quedará depositado un exemplar; outro exemplar entregarase ao traballador que se xubila para que o presente ante a entidade xestora cando solicite a pensión de xubilación.
Obrigas das empresas:
-
Se durante a vixencia do contrato se produce o cesamento do traballador, o empresario debe substituílo, no prazo máximo de 15 días, por outro traballador desempregado e polo tempo que reste para alcanzar a duración mínima do contrato, agás supostos de forza maior.
-
En caso de incumprimento, o empresario deberá aboar á entidade xestora o importe da prestación de xubilación á que se teña dereito desde o momento do cesamento do traballador contratado e ata alcanzar a duración mínima dun ano dende a primeira contratación ou en tanto subsista o incumprimento.