Aviso Cookies

Este sitio web utiliza cookies para que vostede teña unha mellor experiencia de usuario. As cookies non se utilizan para recoller información de carácter persoal. Para máis información consulte a nosa política de cookies.

Contenido principal

O portal da Seguridade Social

Nos últimos anos a Seguridade Social adaptouse á aparición das novas tecnoloxías e ao auxe dos servizos por vía telemática co nacemento, en marzo de 2002, e posterior desenvolvemento da súa páxina Web http://www.seg-social.es, e a constante incorporación e optimización de servizos vía Internet, recibindo diversos recoñecementos e premios internacionais.

A páxina Web está estruturada sobre tres eixos fundamentais: Traballadores, Pensionistas e Empresarios.

Conta, tamén, cunha sección denominada "Formularios e modelos" con aqueles necesarios para as relacións dos cidadáns coa Seguridade Social e, entre outras, unha sección onde se presenta de forma sinxela e organizada toda a información relevante sobre "Trámites e Xestións".

Os cidadáns poden formular peticións de información xeral utilizando a entrada "Consultas/Caixa do correo de consultas". Ademais, poden emitir as súas suxestións e queixas a través do correspondente apartado.

Accesibilidade

A páxina Web pode consultarse en todas as linguas oficiais do Estado, así como en inglés e francés, contando ademais con todos os requisitos de accesibilidade, como certificaron tanto o Observatorio de Infoaccesibilidade Discapnet, como o premio TAW á accesibilidade Web, concedido no ano 2005, polo esforzo realizado para garantir o acceso de todos os usuarios, con independencia de que teñan algún tipo de discapacidade física ou psíquica.

Sede Electrónica

Dentro da páxina web inclúense accesos directos á "SEDE ELECTRÓNICA", https://sede.seg-social.gob.es, de atención ao usuario a través da que os cidadáns, empresas e colaboradores da Seguridade Social poden obter información e acceder a servizos online que viñan realizando de forma presencial. Incorporouse tamén o acceso ao Rexistro electrónico que permite ao cidadán a presentación vía telemática de solicitudes, escritos e comunicacións relativos aos trámites dispoñibles actualmente na Sede. Por outro lado, o acceso aos servizos do sistema RED e cesión de datos para Administracións Públicas mantense dende a páxina web.

Para a utilización destes servizos é necesario nalgúns casos dispoñer de Certificado Dixital ou DNIelectrónico, e noutros poderase facer a solicitude sen certificado dixital para o que se require cubrir un formulario de solicitude do informe desexado e que os datos que se fagan constar no formulario coincidan coa base de datos da Tesourería Xeral da Seguridade Social.

Os informes solicitados sen certificado dixital remitiranse ao domicilio que conste na base de datos da Seguridade Social.

Se o cidadán utiliza un Certificado Dixital accede directamente á información en pantalla e pode imprimila na súa impresora doméstica.

Ademais, é posible visualizar directamente a información na pantalla introducindo o código que recibirá vía SMS, tras facilitar unha serie de datos (Número de documento (NIF, Pasaporte, NIE), Número de Afiliación da Seguridade Social, Data de nacemento e Número de teléfono móbil).

O Certificado dixital permite autenticar e garantir a confidencialidade das comunicacións entre cidadáns, empresas e outras institucións públicas a través das redes abertas de comunicación. Garántese que unicamente o cidadán pode acceder á información para evitar suplantacións.

Toda a información para obter un Certificado Dixital atópase na nosa páxina web, dentro da Sede Electrónica / Certificados Dixitais.

A medida que se vaia emitindo o DNI electrónico estes certificados dixitais deixarán de ser necesarios, xa que o DNI-e incorpora un certificado dixital. O Documento Nacional de Identidade electrónico é o documento que acredita física e dixitalmente a identidade persoal do seu titular.

A súa principal vantaxe é que, ademais de identificar o usuario perante terceiros, permite a sinatura electrónica. O novo DNI achega seguridade, rapidez, comodidade e a inmediata realización de trámites administrativos e comerciais a través de medios telemáticos.

Os Servizos Persoais sen certificado dixital dispoñibles actualmente na Sede Electrónica, para cidadáns, son os seguintes:

  • Asistencia sanitaria: comprobación do dereito
  • Autocálculo de convenios especiais
  • Cita previa
  • Consulta de estado de solicitude de informes.
  • Informe sobre as bases de cotización
  • Informe de bases e cotas ingresadas
  • Informe de situación de cotización/débeda de persoas físicas
  • Informe de vida laboral
  • Reclamacións a Mutuas de Accidentes de Traballo e EP
  • Solicitude de xubilación nacional (TESOL Xubilación)
  • Solicitude de prestacións nacionais de viuvez, orfandade e auxilio por defunción (TESOL Morte e Supervivencia)
  • Solicitude Tarxeta Sanitaria Europea (TSE)
  • Vostede mesmo: programa de autocálculo de pensión de xubilación 

Os Servizos Persoais con certificado dixital dispoñibles actualmente, para cidadáns, na Sede Electrónica son os seguintes:

  • Acreditación actividade agraria conta propia
  • Asignación de número da Seguridade Social
  • Certificado Provisional Substitutivo (CPS)
  • Cita previa
  • Como vai a miña prestación?
  • Comunicación de teléfono e correo electrónico
  • Devolución de cotas
  • Duplicado de documento de afiliación
  • Información de retencións e ingresos á conta do IRPF.
  • Información Venda de Inmobles
  • Informe de Alta laboral a data concreta
  • Informe sobre as bases de cotización
  • Informe de bases e cotas ingresadas no exercicio seleccionado
  • Informe de datos identificativos e de domicilio
  • Informe de situación actual do traballador
  • Informe de situación de cotización/débeda de persoas físicas
  • Informe de Situación de Empresario Individual
  • Informe de Vida Laboral
  • Informe de Vida Laboral Acoutado
  • Xubilación nacional: solicitude electrónica de xubilación nacional (TESOL Xubilación)
  • Maternidade e Paternidade (TESOL)
  • Morte e supervivencia nacional: solicitude electrónica de viuvez, orfandade e auxilio por defunción nacionais (TESOL Morte e Supervivencia)
  • Percepción de pensións públicas.
  • Revalorización de pensións
  • Seguimento de impugnacións ante a TGSS.
  • Solicitude de cambio de bases de cotización - Autónomos
  • Solicitude cambio de domicilio
  • Solicitude de alta no Réxime Especial de Traballadores por Conta Propia ou Autónomos
  • Solicitude de baixa no Réxime Especial de Traballadores por Conta Propia ou Autónomos
  • Solicitude de cambio de base de cotización - Convenios Especiais
  • Solicitude de domiciliación en conta
  • Solicitude de Inscrición e asignación de CCC para empresario individual
  • Solicitude de rectificación de Informe de Vida Laboral
  • Solicitude de rectificación de Informe de Bases de Cotización

Así mesmo, os Servizos Persoais vía SMS dispoñibles actualmente, para cidadáns, na Sede Electrónica son os seguintes:

  • Acreditación actividade agraria conta propia
  • Duplicado de Documento de Afiliación
  • Informe de Alta laboral a data concreta
  • Informe de bases de cotización
  • Informe de bases e cotas ingresadas
  • Informe de datos identificativos e de domicilio
  • Informe de Situación actual do traballador
  • Informe de situación de cotización/débeda de persoas físicas
  • Informe de Situación de Empresario Individual
  • Informe de Vida Laboral
  • Informe de Vida Laboral Acoutado

Ademais destes servizos existen outros específicos para empresas e profesionais, Mutuas e Administracións Públicas. Neste último caso, o fin que se persegue é o intercambio de información entre administracións, de maneira que non se requira ao cidadán documentación que xa está en poder delas.

A Lei 11/2007, do 22 de xuño, de acceso electrónico dos cidadáns aos Servizos Públicos, establece como un dereito dos cidadáns a relación coas Administracións Públicas por medios electrónicos, e como unha obriga correlativa para as Administracións, obrigándoas a adaptar os seus procedementos.

As tecnoloxías da información e as comunicacións fan posible achegar a Administración ata a sala de estar dos cidadáns, ou ata as oficinas e despachos de empresas e profesionais. Permítenlles relacionarse con elas sen colas nin esperas, valorando o seu tempo.

Ademais, facilitan o acceso a aquelas persoas que teñen dificultades por motivos de localización xeográfica, de condicións físicas de mobilidade ou outros condicionantes, dando un paso para facilitar, en igualdade de condicións, a plena integración destas persoas na vida pública, social, laboral e cultural.

Seguimos a traballar tanto nos contidos como na accesibilidade para chegar cada día a un número maior de cidadáns. Fomos pioneiros no uso da Administración electrónica, intentando estar á altura da nosa época para poder ofrecer aos cidadáns as vantaxes e posibilidades que ten a sociedade da información.

Contenido complementario
${loading}