Posta en marcha de RED Directo
A Tesourería Xeral da Seguridade Social pon en marcha o servizo RED Directo.
RED Directo é unha nova modalidade de transmisión dentro do sistema RED orientada á pequena e mediana empresa para facilitarlles o cumprimento das súas obrigas coa Seguridade Social a través da Internet, mediante conexión directa en tempo real coa TGSS.
Para poder acollerse a esta nova modalidade é necesario solicitar unha autorización RED Directo.
Poderán solicitar a autorización aquelas empresas, agrupacións de empresas, profesionais colexiados e demais persoas que, no exercicio da súa actividade cubran e presenten documentos de cotización en representación dos suxeitos responsables da obriga de cotizar, sempre que xestionen Códigos de Conta de Cotización (en diante CCC), cun número non superior a 15 traballadores no momento de solicitar a autorización. Unha vez resolta a autorización, se o número de traballadores dun CCC asignado a unha autorización RED Directo aumenta e supera os 15 traballadores, ese CCC poderá seguir traballando con RED Directo sempre e cando non supere os 25 traballadores.
Para máis información sobre a solicitude de autorización, consultar o “Folleto Informativo”.
As funcionalidades ás que terán acceso os usuarios de RED Directo son as seguintes:
- Cotización: Os usuarios poderán cubrir e presentar os documentos TC2 das súas empresas a través da Internet e obter o Recibo de Liquidación de Cotizacións, que substitúe o TC1. O aboamento do Recibo de Liquidación de Cotizacións poderá realizarse de distintas maneiras, en función da modalidade de pagamento elixida polo usuario:
- Cargo en conta: O aboamento de cotas realízase a través de domiciliación na Entidade Financeira e conta cliente que determine o usuario.
- Pagamento electrónico: O aboamento do Recibo realizarase en caixeiros automáticos, na banca telefónica, na banca a través da Internet ou achegándose ata a Entidade Financeira.
En caso de que a liquidación de cotas resulte a favor do usuario, a mera presentación dos documentos de cotización por RED Directo considerarase solicitude de Saldo Acredor e, simplemente indicando os datos da conta bancaria se tramitará a devolución do importe correspondente.
Outros servizos ofrecidos no ámbito de cotización son:
- Obtención do borrador do TC2 e Recibo de Liquidación
- Cambio da modalidade de pagamento elixida e dos datos da conta bancaria
- Consulta de documentos presentados e impresión de duplicados
- Obtención de Recibos de Liquidación de Cotizacións con recarga de mora
- Anulación de Documentos
- Cargo en conta: O aboamento de cotas realízase a través de domiciliación na Entidade Financeira e conta cliente que determine o usuario.
- Afiliación de Traballadores: Neste ámbito, permítese realizar altas e baixas de traballadores, variacións nos datos de afiliación destes e tamén obter datos dos traballadores e das empresas mediante consultas e informes.
- Presentación de Partes Médicos de Incapacidade Temporal: RED Directo permite a remisión dos partes de baixas médicas, altas e confirmación, derivadas de continxencias comúns e de continxencias profesionais, tanto se están cubertas polo INSS ou por unha mutua.
- Consulta de Mensaxes: Os usuarios de RED Directo poderán realizar consultas en liña das mensaxes emitidas pola TGSS e imprimilas en formato PDF. As mensaxes almacénanse na caixa de correos persoal que a TGSS pon a disposición do usuario.
A infraestrutura necesaria para traballar con este medio de transmisión é mínima, abonda con ter:
- Un PC coas seguintes características:
- Acceso á Internet mediante ADSL
- Memoria RAM de polo menos 128 Mb
- Acceso á Internet mediante ADSL
- Certificado Dixital SILCON ou DNI electrónico para garantir a seguridade e confidencialidade.
As vantaxes que lles ofrece aos usuarios este medio de transmisión son as seguintes:
- Conexión directa coa TGSS para levar a cabo os trámites de afiliación, cotización e partes médicos en tempo real.
- Mínima infraestrutura: só se necesita un PC con conexión á Internet.
- Ferramenta sinxela: non require coñecementos especiais nin informáticos nin en materia de Seguridade Social.
- RED Directo ofrece un formulario dixital, sinxelo, dinámico e personalizado para confeccionar os documentos de cotización, que non permite equivocacións e que simplifica o cumprimento da súa obriga de cotizar respecto á Seguridade Social.
Por último, indicar que na páxina web da Seguridade Social (www.seg-social.es), nos apartados de “Información” e “Documentación” do Sistema RED, púxose a disposición dos usuarios toda a información relativa a RED Directo, así como os seguintes materiais:
- Formularios de Solicitude.
- Manuais de Usuario: Díptico informativo, Folleto informativo, Presentación de RED Directo e unha Guía Básica de uso.