Fronte á presentación dos documentos en papel, poderase cubrir e presentar os documentos TC2 a través de Internet e obter o Recibo de Liquidación de Cotizacións, que substitúe ao TC1. Este servizo estará operativo todos os días do período recadatorio, pechándose o último día do prazo de recadación ás 20:00 horas. O aboamento do recibo de liquidación de cotizacións poderá realizarse de distintas maneiras, en función da modalidade de pagamento elixida polo usuario:

• Domiciliación en conta: O aboamento de cotas realízase a través de domiciliación na entidade financeira e conta cliente que determine o usuario.
  
  
• Pagamento electrónico: O aboamento do recibo realizarase en caixeiros automáticos, na banca telefónica, na banca a través da Internet ou achegándose ata a entidade financeira.

En caso de que a liquidación de cotas resulte a favor do usuario, a mera presentación dos documentos de cotización por RED Directo considérase Solicitude de Saldo Acredor e simplemente indicando os datos da conta bancaria tramitarase a devolución do importe correspondente.

Outros servizos ofrecidos no ámbito de cotización son:

• Obtención do borrador do TC2 e recibo de liquidación
  
  
• Cambio da modalidade de pagamento elixida e dos datos da conta bancaria
  
  
• Consulta de documentos presentados e impresión de duplicados
  
  
• Obtención de Recibos de Liquidación de cotas pendentes.
  
  
• Anulación de documentos
  
  
• Solicitude do recibo de liquidación de cota obreira
  
  

A funcionalidade de cotización actualmente só está operativa para Códigos de Conta de Cotización pertencentes ao Réxime Xeral (0111) e os seguintes tipos de liquidación:

• Liquidacións Normais L00
  
  
• Liquidacións Complementarias L02 (Complementaria por salarios de tramitación normal)
  
  
• Liquidacións Complementarias L03 (Complementaria por aboamento de salarios con carácter retroactivo)
  
  
• Liquidacións Complementarias L09 (Outras complementarias)
  
  
• Liquidacións Complementarias L13 (Vacacións retribuídas e non gozadas)
  

O proceso de cotización en RED Directo consta dos seguintes pasos:

• Conexión a través da Internet. Accédese de forma diferente en función do certificado dixital co que se vaia traballar:
  
  • Con Certificado Silcon, accédese a RED Directo a través da páxina web  www.seg-social.es, dende o icono “Sistema RED en liña” en “Accesos de Interese”. Solicítase o certificado dixital e o contrasinal do usuario. Se esta é correcta, o usuario accederá aos servizos da Seguridade Social. Mediante a opción “Servizos RED” accédese aos servizos de Cotización en liña.
    
    
  • Con DNI electrónico accédese a RED Directo a través do seguinte enderezo:
    https://w2.seg-social.es/fs/indexframes7w.html
    
    Solicítase o contrasinal para o DNI electrónico e se é correcto, o usuario accederá aos servizos da Seguridade Social. Mediante a opción “Servizos RED” accédese aos servizos de Cotización en liña.
    
    
• Introdución do Certificado Dixital (SILCON ou DNIe). Ao acceder a RED Directo, solicítase o certificado dixital e o contrasinal do usuario. Se esta é correcta, o usuario accederá aos servizos da Seguridade Social. Mediante a opción “Servizos RED” accédese aos servizos de Cotización en liña.  
  
  
• Selección da opción “Confección do TC2” para a presentación do TC2.
  
  
• Introdución do CCC para o que se desexa realizar a presentación e o tipo de liquidación a tramitar.
  
  
• O usuario deberá comunicar as bases de cotización dos traballadores incluídos na liquidación, as horas traballadas se se trata de traballadores con contrato a tempo parcial, así como de calquera outro dato que afecte á cotización: horas extras, bonificación por formación continua, etc. Así mesmo debe incluír as situacións especiais (por exemplo baixas por incapacidade temporal) para aqueles traballadores que proceda.
  
  
• A continuación, obtención do borrador da relación nominal de traballadores (TC2) e do recibo de liquidación de cotizacións, e posibilidade de consultar os datos do cálculo realizado por traballador.
  
  
• Logo de que o usuario seleccione a modalidade de pagamento, apróbase o recibo de liquidación de cotizacións e obtense a relación nominal de traballadores (TC2) e o recibo de liquidación definitivos.
  
  
• No caso das liquidacións normais L00, ao mes seguinte mostrarase como borrador, o documento TC2 aprobado no mes anterior, e se non houberon modificacións dos traballadores no FGA , bastará con confirmalo para obter o TC2 e o Recibo de Liquidación.