Características
- Os traballadores autónomos que viñeran percibindo ata o 30 de setembro a prestación por cesamento de actividade prevista no artigo 9 do Real Decreto-Lei 24/2020, do 26 de xuño, poderán continuar percibíndoa ata o 31 de xaneiro de 2020, sempre que durante o cuarto trimestre do ano 2020 manteñan os requisitos que se estableceron para a súa concesión.
- O traballador autónomo, durante o tempo que estea a percibir a prestación deberá ingresar na Tesouraría Xeral da Seguridade Social a totalidade das cotizacións aplicando os tipos vixentes sobre a base de cotización correspondente.
Requisitos
Acreditar unha redución na facturación durante o cuarto trimestre do ano 2020 de polo menos o 75 por cento en relación co mesmo período do ano 2019, así como non obter durante o trimestre indicado de 2020 uns rendementos netos superiores a 5.818,75 euros.
Para determinar o dereito á prestación mensual ratearanse os rendementos netos do cuarto trimestre, non podendo exceder de 1.939,58 euros mensuais.
Prazo de solicitude e nacemento do dereito
O recoñecemento á prestación levarase a cabo polas mutuas colaboradoras ou o Instituto Social da Mariña con carácter provisional con efectos para o 1 de outubro de 2020 se se solicita antes do 15 de outubro, ou con efectos dende o día seguinte á solicitude noutro caso, debendo ser regularizada a partir do 1 de marzo de 2021.
Duración
Percibirán esta prestación ata o 31 de xaneiro de 2021 aqueles traballadores autónomos que a 31 de outubro viñesen percibindo a prestación de cesamento de actividade recoñecida ao abeiro do artigo 9 do Real Decreto-Lei 24/2020, do 26 de xuño e vexan esgotado o seu dereito ao cesamento previsto no citado precepto antes do 31 de decembro de 2020, sempre que reúnan os requisitos esixidos para o efecto.
A partir desta data só se poderá continuar percibindo esta prestación de cesamento de actividade se concorren todos os requisitos do artigo 330 da Lei Xeral da Seguridade Social.
Contía
- Manterase a contía que viña percibindo, agás que sexa de aplicación o apartado seguinte.
- A prestación por cesamento de actividade poderá ser compatible cun traballo por conta allea, se os ingresos do traballo por conta allea non superan 1,25 veces o importe do SMI, e ademais os ingresos netos do traballo por conta propia e do traballo por conta allea non superan 2,2 veces o SMI. Neste caso a contía da prestación por cesamento de actividade será o 50% BASE MÍNIMA COTIZACIÓN.
- A mutua colaboradora ou, no seu caso, o Instituto Social da Mariña, aboará ao traballador xunto coa prestación por cesamento na actividade, o importe das cotizacións por continxencias comúns que lle correspondese ingresar de se atopar o traballador autónomo sen desenvolver actividade ningunha, en aplicación do disposto no artigo 329 do Real Decreto Lexislativo 8/2015, do 30 de outubro, polo que se aproba o texto refundido da Lei Xeral da Seguridade Social.
Incompatibilidades
- Esta prestación será incompatible co traballo por conta propia, aínda que a súa realización non implique a inclusión obrigatoria no Réxime Especial dos Traballadores por Conta Propia ou Autónomos ou no Réxime especial dos Traballadores do Mar, así como co traballo por conta allea, e con calquera prestación de Seguridade Social que o beneficiario viñese percibindo salvo que fose compatible co desempeño da actividade como traballador por conta propia.
- Polo que se refire aos traballadores por conta propia incluídos no Réxime Especial dos Traballadores do Mar, a prestación por cesamento de actividade será incompatible coa percepción das axudas por paralización da frota.