Pode enlazar á sección Trámites e Xestións   para ver unha versión simplificada

A prestación económica trata de cubrir a perda de ingresos que se produce, cando a traballadora é declarada en situación de suspensión do contrato de traballo por risco durante a lactanción natural dun menor de 9 meses, nos supostos en que, debendo cambiar de posto de traballo ou de actividade por outro compatible coa súa situación, este cambio  non resulte técnica ou obxectivamente posible ou non poida razoablemente esixirse por motivos xustificados.

Esta nova prestación está incluída dentro da acción protectora de todos os réximes do Sistema da Seguridade Social e poderase recoñecer a partir do 24-03-07, aínda que o parto se producise con anterioridade, sempre que o lactante non cumprise os 9 meses.