Contía
A contía obtense aplicando a porcentaxe do 20% á base reguladora, co límite máximo establecido:
- Cando existan varios beneficiarios, a suma das contías das prestacións por morte e supervivencia non pode exceder do 100% da base reguladora que corresponda. Esta limitación aplicarase á contía inicial, mais non afectará ás revalorizacións periódicas que procedan de aquí en diante.
Para os efectos desta limitación, as pensións de orfandade teñen preferencia sobre as "pensións" en favor doutros familiares e, polo que respecta a estas, a orde de preferencia é a seguinte:
- Netos e irmáns, menores de 18 anos ou maiores incapacitados, do causante.
- Pai e nai do causante.
- Avós e avoas do causante.
- Fillos e irmáns do pensionista de xubilación ou incapacidade permanente, na súa modalidade contributiva, maiores de 45 anos e que reúnan os demais requisitos establecidos.
- A limitación do 100% da base reguladora non impedirá o recoñecemento do "subsidio temporal" en favor de familiares, xa que este non se ve afectado polo citado límite.
- Incremento das pensións de orfandade e a favor de familiares, en determinados supostos.
Regras especiais:
- Se á morte do causante non quedase cónxuxe sobrevivente nin fillos con dereito a pensión de orfandade, ou cando o cónxuxe sobrevivente con dereito a pensión de viuvez falecese estando no gozo desta sen que queden orfos beneficiarios, a pensión en favor dos correspondentes familiares poderá incrementarse coa porcentaxe (52%) de viuvez.
O incremento atribuirase, en primeiro lugar, aos netos e irmáns do causante e, na súa ausencia, aos ascendentes e fillos ou irmáns dos pensionistas de incapacidade permanente ou xubilación contributivas con dereito a pensión en favor de familiares, distribuíndose por partes iguais entre os beneficiarios.
- Se o falecemento deriva de accidente de traballo ou enfermidade profesional e os beneficiarios son os pais que estaban a cargo do falecido, sempre que non existan outros familiares do causante con dereito a pensión, nin os propios pais teñan dereito a ela, concédese a estes unha indemnización especial a tanto alzado:
- De 9 mensualidades da base reguladora, se se trata dun ascendente.
- De 12 mensualidades da base reguladora, se se trata de ambos ascendentes.