• O recoñecemento e control da condición de asegurado ou de beneficiario deste corresponderá, con carácter xeral,  ao Instituto Nacional da Seguridade Social (INSS) ou, se é o caso, o Instituto Social da Mariña (ISM), a través das súas direccións provinciais, e farase de forma automática nos supostos previstos no apartado 2 do artigo 3 da Lei 16/2003, do 28 de maio.
  
  Nos supostos de asistencia sanitaria ás persoas con discapacidade, estranxeiros non rexistrados nin autorizados como residentes en España, solicitantes de protección internacional, vítimas de tráfico de seres humanos en período de restablecemento e reflexión, así como no suposto de subscrición de convenio especial de asistencia sanitaria a persoas que non teñan a condición de aseguradas nin beneficiarias do SNS regulado no |R.D 576/2013, do 26 de xullo, a competencia para o recoñecemento do dereito á asistencia sanitaria corresponde ás Comunidades Autónomas (CCAA).

• Unha vez recoñecida a condición de asegurado ou de beneficiario deste, o dereito á asistencia sanitaria farase efectivo polas administracións sanitarias competentes, que facilitarán o acceso dos cidadáns ás prestacións de asistencia sanitaria mediante a expedición, polos Centros de Saúde das CCAA, da tarxeta sanitaria individual.

• Os órganos competentes en materia de estranxeiría poderán comunicar ao INSS (ou ao ISM) sen contar co consentimento do interesado, os datos que resulten imprescindibles para comprobar a concorrencia dos requisitos aos que se refiren os apartados 3 e 4 do artigo 3 da Lei 16/2003, do 28 de maio.
  
• Do mesmo modo, o INSS (ou o ISM) poderá tratar os datos obrantes nos ficheiros das entidades xestoras e servizos comúns da Seguridade Social ou dos órganos das administracións públicas competentes que resulten imprescindibles para verificar a concorrencia da condición de asegurado ou beneficiario. A cesión ao INSS (ou ao ISM) destes datos non precisará do consentimento do interesado.
  
  O INSS (ou o ISM) tratará a información á que se refiren os dous parágrafos anteriores coa finalidade de comunicar ás administracións sanitarias competentes os datos necesarios para verificar en cada momento que se manteñen as condicións e os requisitos esixidos para o recoñecemento do dereito á asistencia sanitaria, sen precisar para iso do consentimento do interesado. Calquera modificación ou variación que poida comunicar o INSS (ou o ISM) deberá producir os efectos que procedan na tarxeta sanitaria individual.

DOCUMENTOS EN VIGOR NECESARIOS PARA O TRÁMITE DA PRESTACIÓN:

(Documento orixinal acompañado de copia para a súa compulsa ou fotocopia xa compulsada, agás para os documentos de identidade, nos que será suficiente a exhibición do orixinal)

EN TODOS OS CASOS (tanto titulares como beneficiarios):

• Españois: Documento Nacional de Identidade (DNI), no caso de maiores de 14 anos.
• Cidadáns da Unión Europea (UE) ou Estados parte do Acordo sobre o Espazo Económico Europeo (EEE) ou Suíza: Certificado de inscrición no Rexistro Central de Estranxeiros xunto co pasaporte ou documento de identidade.
• Cidadáns do resto de países: tarxeta de identidade de estranxeiro (TIE) e pasaporte en vigor. Se son beneficiarios de titulares da UE ou Estados parte do Acordo sobre o EEE ou Suíza, deberán presentar a tarxeta de residencia e NIE de familiar dun cidadán da UE/EEE/Suíza. 

SEGUNDO OS CASOS

• Certificado de empadroamento no municipio de residencia do solicitante.
• Declaración responsable de non ter cobertura obrigatoria da prestación sanitaria por outra vía.
• Resolución da declaración de desamparo no caso de menores suxeitos a tutela administrativa.

SÓ EN CASO DE SOLICITAR O DEREITO PARA BENEFICIARIOS:

• En todo caso:
  • Libro de Familia, actas do Rexistro Civil ou certificado oficial que acrediten o parentesco. 
• Descendentes e persoas asimiladas:
  • Fillos adoptivos ou en trámite de adopción: documento acreditativo da adopción ou de inicio dos trámites de adopción expedido polo organismo competente da Comunidade Autónoma.
  • Acollidos: auto xudicial ou certificado de acollemento expedido polo organismo competente da Comunidade Autónoma.
  • Certificado de discapacidade en grao igual ou superior ao 65%, se é o caso.
  • Certificado do Concello que acredite a convivencia co solicitante (non se esixe para os fillos nin menores acollidos).
  • Irmás ou irmáns: Libro de familia ou documento equivalente para acreditar a condición de irmá ou irmán da persoa asegurada.
• Parella de feito do titular
  • Certificado de inscrición no Rexistro da Comunidade Autónoma ou localidade de residencia ou acreditación da constitución da parella mediante escritura pública.
• Ex-cónxuxe.
  • Sentenza de separación ou divorcio e documento que recoñeza o dereito a percibir pensión compensatoria.
• Esta documentación pode presentarse en calquera Oficina da Seguridade Social ou a través do Servizo: Asistencia Sanitaria. Solicitude de recoñecemento do dereito, sempre que dispoña de certificado dixital.