É un instrumento básico na xestión da protección social, xa que o tratamento automatizado dos datos correspondentes permite, dunha parte, unha xestión máis áxil e eficaz en beneficio dos perceptores e solicitantes das prestacións sociais, ao tempo que posibilita un control permanente respecto ao mantemento do dereito ás prestacións e facilita as medidas de loita contra a utilización indebida da protección e a fraude.
Constitución:
Constitúese no Instituto Nacional da Seguridade Social (INSS), entidade responsable dos ficheiros.
Obxecto:
Ten por obxecto a inscrición das prestacións sociais de contido económico, destinadas a persoas e familias, con cargo a recursos de carácter público.
Obriga de subministrar datos:
Os organismos, entidades e empresas que están obrigados a subministrar datos ao Rexistro son os incluídos no Catálogo publicado no BOE mediante a correspondente resolución do INSS.
Xestión:
A súa xestión e funcionamento corresponde ao INSS.
Exercicio de dereitos polo afectado:
Os dereitos de acceso aos ficheiros do Rexistro, así como os de rectificación e cancelación de datos, son persoais e soamente poderán ser exercidos polo afectado ou o seu representante legal, coas limitacións que prevé a Lei Orgánica 15/1999, do 13 de decembro, de protección de datos de carácter persoal (BOE 14/12).
Denegación do acceso, rectificación e cancelación:
Denegaranse os dereitos de acceso, rectificación e cancelación cando se dea algún dos supostos regulados nos artigos 15.3, 23.1 e 2, e 24.2 da Lei Orgánica 15/1999, do 13 de decembro. 13 de decembro.