Nahiz eta 33. artikuluaren arabera Gizarte Segurantzaren Hitzarmen Aldeaniztun Iberoamerikarra aplikatzeko Akordioa 2011ko irailaren 1ean sartu zen indarrean Argentina (2016/08/01), Brasil, Bolivia, Txile, Ekuador, Espainia, El Salvador, Paraguai, Peru (2016/10/20) eta Uruguairen artean, lekualdatutako langileei aplikatu beharreko legedia ezartzeari dagokionez, Bolivia, El Salvador, Txile (kasu honetan, Espainiako edo Txilekoa ez den nazionalitatea duten langileak) eta Uruguairi (norbere konturako langileei) bakarrik aplikatuko zaie.

Argentina,  Txile, (Espainiako edo Txileko langileak), Brasil, Ekuador, Paraguai, Peru eta Uruguaira (azken horren kasuan, besteren konturako langileak soilik) lekualdatutako langileen kasuan,  Espainiarekin hitzartutako Gizarte Segurantzako aldebiko akordioetako xedapenetan ezarritakoa aplikatzen jarraituko da.

Arau orokor moduan, Hitzarmen hau aplikatzen zaien langileak jarduera egiten duten lurraldean Estatu kidearen gizarte segurantzako legediaren mende bakarrik egongo dira, beren kontura edo besteren kontura izan, legedi horren aplikazio-esparruan sartzen badira,

Dena den, aldi baterako lekualdatzeen kasuan, Gizarte Segurantzaren Espainiako legeriari eutsi ahal izango diote, jarraian zehaztutako baldintzetan.

Edozein nazionalitateko besteren konturako eta norbere konturako langileei aplikatuko zaie

Hasierako Lekualdatzea

Espainian egoitza duen enpresa bateko besteren konturako langileei, zeregin profesionalak badituzte, hala nola, ikerketakoak, zientifikoak, teknikoak, zuzendaritzakoak edo antzeko jarduerak, eta aldi baterako beste herrialde batera aldatzen badira bertan zerbitzua emateko, oraindik ere Espainiako legedia aplikatuko zaie gizarte segurantzari dagokionez, gehienez ere hamabi hilabetez.

Izapidetu beharreko inprimakia

Enpresak eskaera aurkeztuko du Gizarte Segurantzako Diruzaintza Orokorreko Zuzendaritza Probintzialean edo dagokion Administrazioan, TA.300 "Gizarte Segurantzaren araudi aplikagarriari buruzko informazio eskaera" eredua erabiliz. Horrekin batera, IBERO-3  "Aldi baterako lekualdaketarako ziurtagiria" inprimakiaren hiru kopia beteta ere aurkeztuko ditu.

Zuzendaritza Probintzialak edo dagokion Administrazioak igorritako IBERO-3 inprimakiak egiaztatzen du langilea herrialde horretarako lekualdaketan Gizarte Segurantzako Espainiako legeriaren mende dagoela, eta ondorioz, enplegu-herrialdeko Gizarte Segurantzan kotizatzeaz salbuetsita dagoela.

Baimendu beharreko epea

Gehienez, hamabi hilabete iraungo du lekualdaketak.

Espainian lan profesionalak egiten dituzten norbere konturako langileek, hala nola, ikerketakoak, zientifikoak, teknikoak, zuzendaritzakoak edo antzeko jarduerak, enplegu-herrialdera lekualdatzen badira lan hori egiteko, oraindik ere Espainiako gizarte segurantzaren menpe egongo dira, baldin eta lekualdaketaren iraupena 12 hilabetetik gora luzatzen ez bada eta Espainiako gizarte segurantzak baimendu badu.

Izapidetu beharreko inprimakia

Norbere konturako langileak eskaera aurkeztuko du Gizarte Segurantzako Diruzaintza Orokorreko Zuzendaritza Probintzialean edo dagokion Administrazioan, TA.300 "Gizarte Segurantzaren araudi aplikagarriari buruzko informazio eskaera" eredua erabiliz. Horrekin batera, IBERO-4  "Aldi baterako lekualdaketarako ziurtagiria" inprimakiaren bi kopia beteta ere aurkeztuko ditu.

Zuzendaritza Probintzialak edo dagokion Administrazioak igorritako IBERO-4 inprimakiak egiaztatzen du langilea herrialde horretarako lekualdaketan Gizarte Segurantzako Espainiako legeriaren mende dagoela, eta ondorioz, enplegu-herrialdeko Gizarte Segurantzan kotizatzeaz salbuetsita dagoela.

Baimendu beharreko epea

Gehienez, hamabi hilabete iraungo du lekualdaketak.

Ohiko luzapena

Besteren konturako langileen kasuan bakarrik, hamabi hilabeteko epe hori beste horrenbestez luzatu egin daiteke, kasu berezietan, eta betiere enplegu-herrialdeko Agintaritza Eskudunak baimentzen badu.

Izapidetu beharreko inprimakia

Enpresariak arestian aipatutako epea bukatu baino lehen bideratu beharko du luzapen eskaera Gizarte Segurantzako Diruzaintza Orokorraren Afiliazio, Kotizazio eta RED Sistemaren Kudeaketarako Zuzendariordetza Nagusian.

Boliviara egindako lekualdaketa luzatu nahi denean, hasierako epea bukatu baino 20 egun lehenago aurkeztu beharko da eskaera gutxienez.

Enpresak eskaera aurkeztuko du Gizarte Segurantzako Diruzaintza Orokorreko Zuzendaritza Probintzialean edo dagokion Administrazioan, TA.300 "Gizarte Segurantzaren araudi aplikagarriari buruzko informazio eskaera" eredua erabiliz. Horrekin batera, IBERO-5 "Aldi baterako lekualdaketaren luzapena" inprimakiaren lau kopia eta hasierako lekualdaketari dagokion IBERO-3 inprimakiaren kopia bat beteta ere aurkeztuko ditu.

Enplegu-herrialdeko Gizarte Segurantza ados badago, Gizarte Segurantzako Diruzaintza Orokorraren Afiliazio, Kotizazio eta RED Sistemaren Kudeaketarako Zuzendariordetza Nagusiak langilea adostutako epean Espainiako Gizarte Segurantzako araudiaren menpe jarraitu dadila baimentzeko inprimakia igorriko du. Beraz, enplegu-herrialdeko Gizarte Segurantzan kotizatzeaz salbuetsita dago.

Baimendu beharreko epea

Luzapenaren gehieneko epea hasierako lekualdaketaren antzekoa izango da, hots, hamabi hilabetekoa.

Beste lekualdaketa batzuk:

Estatu Partaide batek lankidetzako misioetan beste Estatu Partaide batera bidalitako pertsonak.

Lekualdaketa horren izapidea Gizarte Segurantzako Diruzaintza Orokorrean egin behar da, -Afiliazio, Kotizazio eta RED Sistemaren Kudeaketarako Zuzendariordetza Nagusia-.

• Enpresak edo Erakunde ofizialak eskaera aurkeztuko du Gizarte Segurantzako Diruzaintza Orokorreko Zuzendaritza Probintzialean edo dagokion Administrazioan, TA.300 "Gizarte Segurantzaren araudi aplikagarriari buruzko informazio eskaera" eredua erabiliz. Horrekin batera, IBERO-7 "Araudi aplikagarriari lotutako ziurtagiria" inprimakiaren lau kopia beteta ere aurkeztuko ditu.
  
  Ziurtagiri honek egiaztatzen du langilea Espainiako Gizarte Segurantzaren mende dagoela bertan dagoen bitartean, eta ondorioz, enplegu-herrialdeko Gizarte Segurantzan kotizatzeaz salbuetsita dagoela.
  

Espainiako nazionalitatea duten eta Espainiak beste herrialdeetan dituen Ordezkaritza Diplomatikoetan edo Bulego Kontsularretan diharduten langileen kasuan, eta 

Ordezkaritza edo Bulego horietan modu pribatu eta esklusiboan lanean dauden eta Espainiako nazionalitatea duten kideen kasuan,

• Espainiako Gizarte Segurantzaren araudia hautatzen badute, Erakunde publikoak edo langileak berak hala eskatzen badu, Gizarte Segurantzako Diruzaintza Orokorraren Afiliazio, Kotizazio eta RED Sistemaren Kudeaketarako Zuzendariordetza Nagusiak IBERO-6 "Araudi aplikagarria hautatzeko ziurtagiria" inprimakia igorriko du lekualdaketak iraungo duen denbora osorako. Horren hiru ale aurkeztu beharko ditu, TA.300 eskaera-ereduarekin batera.

Beste salbuespen batzuk

Bi Estatu Kidek edo gehiagok, Estatu horietako Agintari Eskudunek edo agintari horiek izendatutako erakundeek salbuespenak ezar ditzakete aurretik azaldutako arauetan, ados jartzen badira elkarrekin, zenbait pertsonaren edo pertsonen kategorien onurarako, Hitzarmenaren V. eranskinean jasotzen badira.

Gaur egun ez da ezarri pertsonen kategoriarik.

Informazio osagarria

• Hasierako lekualdaketarako dagoen 12 hilabeteko aldia agortuta, eta hala badagokio, luzapenaren hamabi hilabeteak burututa, langile berak ezin izango du denboraldi baterako beste lekualdaketa bat eskatu herrialde berera, aurreko lekualdaketa agortu zuen datatik hamabi hilabete igaro arte (hala badagokio, luzapena barne).
  
• Interesdunak denboraldi baterako lekualdaketa edota haren luzapena egiteko eskaera lekualdaketa egin baino gutxienez 20 egun lehenago aurkeztu behar du. Ezin badu, horren arrazoia justifikatuko du.
  
• Aplika daitekeen legediaren ziurtagiria langileari entregatuko zaio, lan egiten duen Estatu kideko derrigorrezko Gizarte Segurantzako xedapenak ezin zaizkiola aplikatu egiaztatzeko.
  
• Langileak lan-harremana eteten badu edo bere konturako jarduerari uzten badio, edo behar baino lehenago itzultzen bada, erakunde publikoak, enpresariak edo langileak aplikagarria den legediaren ziurtagiria bideratu zuen Gizarte Segurantzaren Diruzaintza Orokorraren bulegoari jakinaraziko diote.