Arriskua edoskitze naturala bitartean

Zertan datza?

Lan kontratua edo jarduera etenda dagoen aldia egoera babestutzat jotzean datza, kasu hauetan: emakume langileak lanpostuz aldatu behar duenean, lanpostu berri horrek bere osasunean edo haurrarenean eragina izan dezakeen kasuetan (arrisku edo patologia zehatz batzuengatik); aldaketa hori objetiboki ezinezkoa denean edo behar bezala justifikatutako arrazoiengatik halako eskakizunik egin ezin denean.

Noiz ez da arrisku-egoera babestutzat jotzen?

Ez da babestutako egoeratzat hartuko langilearen edo seme-alabaren egoeran negatiboki eragin dezaketen arriskuetatik edo patologietatik ondorioztatutakoa, hauek ez daudenean lanpostuko edo egiten den jarduerako eragile, prozedura edo baldintzekin lotuta.

Zer baldintza eskatzen dira onuraduna izateko?

Subsidioa jasoko dute lan kontratua edo jarduera etenda duten langileek, haurdunaldian arriskua edukitzeagatik, betiere, kontratua eteten den unean Gizarte Segurantzako sistemako erregimenen batean afiliatuta eta alta egoeran badaude.

Gainera horren erantzule zuzen diren langileek kuota guztiak ordainduta izan beharko dituzte.

Zer gertatzen da langileak arrisku profesionalak babesturik es dituenean?

Kontingentzia profesionalengatiko estaldura aukeratu ez duten beren konturako langileei dagokienez, prestazioa kontingentzia arruntetik ondorioztatu gisa emango da.

Zer gertatzen da langilea enplegu-aniztasun edo jarduera aniztasun egoeran denean sortutako egoeretan?

Langilea bi egoera hauetako batean denean, kontuan izan beharko da arriskua jarduera guztietan edo haietako bakar batean ematen den. 

Zein da prestazioaren zenbatekoa?

Zenbatekoa oinarri arautzailearen %100a izango da; kontingentzia profesionaletatik ondorioztatutako ABE prestaziorako ezarritakoaren baliokidea edo bestela kontingentzia arruntetatik ondorioztatutako ABEren baliokidea izango da, erregimenak kontingentzia profesionalak estaltzen ez dituenean, eta erreferentziako data gisa kontratua hautsi zen unea edo jarduera profesionala bertan behera utzi zen unea hartuko da.

Ordainketa gauzatzean, Gizarte Segurantzako kotizazioekin lotutako zenbatekoak kenduko dira (besteren konturako langileak) eta, hala badagokio, IRPFren atxikipenak ere bai.

Noiz hasten da?

  • Besteren konturako langileak: subsidioa jasotzeko eskubidea edoskitze naturalean zehar arriskua egoteagatik kontratua eteten den unean hasiko da, betiere, eskumena duten zerbitzu medikuen arrisku egiaztagiri medikua igorri ondoren.

 

  • Beren konturako langileak: eskumena duten zerbitzu medikuek arrisku egiaztagiri medikua igorri eta hurrengo egunean; hala ere, ondorio ekonomikoek ez dute eraginik izango jarduera profesionala uzten den unera arte.

Zein da bere iraupena?

Langilearen edo/eta seme-alabaren osasuna babesteko behar den denbora guztian zehar ordainduko da eta seme-alabak 9 hilabete betetzean amaituko da, langilea aldez aurretik bere lanpostuan edo aurreko jarduera profesionalean edo bere egoerarekin bateragarria den beste batean lanean hasten ez den bitartean.

Zein da iraupena lanaldi partzialera kontratatutako langileen kasuetan?

Subsidioa aldi baterako kontratatutako langileei ordainduko zaie edoskitze naturalean zehar arriskua egoteagatik lan kontratua bertan behera mantentzen den egun natural guztietan, langilea aldez aurretik  bere lanpostuan  edo bere egoerarekin bateragarria den beste batean lanean  hasten ez den bitartean.

Noiz iraungitzen da?

  • Seme-alabak 9 hilabete betetzean.
  • Emakume langilea bere aurreko lanpostura edo jarduera profesionalera edo bere egoerarekin bateragarriak diren beste batzuetara itzultzen denean.
  • Laneko kontratua iraungitzeagatik, legez ezarritako zergatiengatik (besteren kontura) edo langilea zegoen Gizarte Segurantzako erregimen berezian baja eman zaielako.
  • Edoskitze naturala eteteagatik.
  • Onuradunaren edo bularreko haurraren heriotzagatik.

Nork kudeatzen eta ordaintzen du prestazioa?

Oro har, prestazioa Erakunde kudeatzaileak (INSS  edo ISM ) edo laguntzaileak (Mutuek) kudeatu eta ordainduko dute, langileak edo enpresak arrisku profesionalen estaldura zeinekin hitzartuta duen.

Kontingentzia profesionalak estalita ez dituzten autonomoen erregimen bereziko langileen kasuan, prestazioaren erantzule eta hau ordainduko duena kontingentzia arrunten ABE estalita duen erakunde kudeatzailea (INSS) edo laguntzailea (Mutualitatea) izango da.

 

Complementary Content
${loading}