Que é o Ministerio de Inclusión, Seguridade Social e Migracións?

O Ministerio de Inclusión, Seguridade Social e Migracións é o departamento encargado da proposta e execución da política do Goberno en materia de Seguridade Social e clases pasivas, así como a elaboración e desenvolvemento da política do Goberno en materia de estranxeiría, inmigración e emigración e de políticas de inclusión.

Que competencias ten?

• Para o desenvolvemento das funcións que legalmente teñen asignadas, o titular do departamento conta cun Gabinete e asistencia inmediata con nivel orgánico de dirección xeral e os seguintes órganos superiores e directivos: Secretaría de Estado de Seguridade Social e Pensións, a Secretaría de Estado de Migracións, a Secretaría Xeral de Obxectivos e  Políticas de Inclusión e Previsión Social e a Subsecretaría de Inclusión, Seguridade Social e Migracións.

• Así mesmo, están adscritos ou dependen da Secretaría de Estado da Seguridade Social e Pensións ou das Secretarías Xerais correspondentes, os Órganos de Dirección, Organismos Autónomos, Entidades Xestoras e Servizos Comúns da Seguridade Social.