Gizarte Segurantza

Non?

Aurkezpen eskaria edozein  GSHAZtan eska daiteke:

• Prestazio ekonomikoak badira, eskaria aurkeztu den GSINaren Zuzendaritza probintzialak ebatziko du eskaria.

• Osasun prestazioak badira, osasun laguntza eman duen GSINaren Zuzendaritza probintzialak ebatziko du eskaria, ikaslea edo familiaren egoitza matrikulatuta dagoen probintzia zein den aparte utzita.

IGO

Epeak

• Eskolako istripuak sortutako prestazio guztiak: urte 1.


• Osasun prestazioak mediku laguntzaren aurretik eskatu behar dira eskubidea onartzeko, kasu honetan salbu: medikuak egiaztatutako  larrialdi kasuetan, 5 urteko epean aurkeztu daiteke.


• Eskolako istripuak sortu ez dituen ekonomia prestazioak eta ehorzketa gastuak. 5 urte.


• Familiako ezbeharragatiko prestazioak: 5 urte, 3 hilabeteko atzeraeginarekin.

IGO

Eskaerarekin batera aurkeztu beharreko dokumentuak

ONDORENGO DOKUMENTUAK ERAKUTSI: JATORRIZKOA ETA INDARREAN DAGOENA:

• NAN edo Familia-Liburua 
• Atzerritarrek, nortasuna egiaztatzeko agiria.

ONDOKO DOKUMENTUEN EDO EGIAZTATUTAKO FOTOKOPIAREN EDO ONDOREN EGIAZTATZEKO KOPIAREN AURKEZPENA:

• Unibertsitateaz kanpoko ikasleek, ikastegiaren ziurtagiria, burutzen ari den kurtsoa eta espezialitatea, eta Eskola-Aseguruaren kuoten ordainketa zehazten dituena.
  
  Unibertsitateko ikasleek, matrikula- inprimakiaren ordezkagiria, kurtsoa, ikasgaiak eta Eskola-Aseguruaren kuotaren ordainketa zehazten dituena.

• Aurreko puntuan zehaztutako dokumentazioa, eskaeraren aurreko ikasturteari dagokiona, urte bateko kotizazioa ziurtatzeko, eskolako istripua, familia-ezbeharragatiko prestazioa eta tokologia izan ezik (Eskola-Aseguruaren barne ez dauden azken kurtsoko ikasketak egin dituzten ikasleak baldintza honetatik kanpo geratuko dira).

a) Prestazio sanitarioak: 

1. Eskola istripuagatikoak:

• Istripu-agiria, eskaeraren 4. puntuan beteko dena.
• Bajaren mediku-ziurtagiria.

   2. Kirurgia, tokologia, neuropsikiatria eta birika eta hezur tuberkulosia: 

• Mediku-agiri ofiziala, osasun-laguntza emango duen fakultatiboaren izena, kide-zenbakia, zentroaren edo kontsultaren helbidea, espezialitatea, data eta ingresatuko den ospitalea zehazten dituena. Halaber, hala badagokio, diagnostikoa, errezetatutako tratamendua eta osatzeko beharrezkoa den gutxi gorabeherako epea zehazten dituena.

• Aurreko ziurtagiria, hala badagokio, urgentzia medikoaren txostenaz ordezka daiteke.

• Neuropsikiatriarako, diagnostikoa DSM-III edo CIE/10 nazioarteko sailkapenen arabera, pazientearen egungo egoera, tratamendu farmakologikoa eta psikologo batek edo psikiatrak berak egingo duen terapia psikologikoa zehaztu beharko ditu psikiatrak.

  3. Fisioterapia, erradioterapia, kobaltoterapia, erradiumterapia eta giltzurrun artifiziala: aurreko puntuan zehaztutakoaz gain, eskaera eragiten duen historial medikoa. Bertan, saioen zenbatekoa, hauen izaera eta tratamenduaren guztizko aurrekontua zehaztuko da.

Paragrafo honetako 2 eta 3 puntuetan bildutako prestazio guztien eskaera osasun-laguntzaren aurretikoa izan beharko da eskubidea aitortzeko. Betiere fakultatiboak ziurtatuta, urgentzia handia denean baino ezingo da 5 urteko epean aurketu.

b) Prestazio ekonomikoak:

1. Familia-ezbeharragatiko kalte-ordainak: Familia-Liburua eta familia ugariaren titulua, hala badagokio.

Familiako buruaren heriotza: heriotza-ziurtagiria.

Aurri edo porrota: aurri edo porrotaren egintza eragilea egiaztatzen dituzten agiriak, baita gertatu zeneko data ere.

Familia-ezbeharragatiko prestazioaren luzapena: aurreko ikasturtean egindako ikasgaien egiaztagiria, era honetan kurtsoaren aprobetxamendua egiaztatzeko.

2. Eskolako istripuagatiko ezintasunengatiko kalte-ordainak:

• Eskolako istripu-agiria.
• Mediku-ziurtagiria, prozesuaren eboluzioa eta behin betiko sekuelak, eta burutzen zituen ikasketen arabera, istriputuaren gaitasunaren murrizketa zehazten dituena.

3. Istripuagatiko, eskolakoa zein ez eskolakoa, eta gaixotasunagatiko ehorzketak eragin gastuengatiko kalte-ordainak.

• Istripu-agiria (eskolako istripua denean baino ez).

• Gaixotasunagatiko heriotza denean, mediku-ziurtagiria, hildako kalteduna gaixotasuna harrapatu zuen data osteko bi urteetan gaixotasun horren ondorioz hil dela eta ikasketekin jarraitzeko ezintasunak hil arte iraun duela zehazten dituena.

• Heriotza-ziurtagiria bai istripu bai gaixotasunagatikoa.

IGO