Gizarte Segurantza

Lan istripuak edo gaixotasun profesionalak heriotza eragiten badute, onuradun jakin batzuei, dagokion pentsioaz gain, oroharreko prezioan kalte ordaina emango zaie.

Onuradunak

• Ezkontidea, izatezko bikotean biziraun duena, eta dibortziatutako, banandutako, edota ezkontza baliogabe aitortutako ezkontide ohia, alarguntza pentsioaren onuradun.

• Umezurtzak, zurztasun pentsioaren onuradun.



• Hildakoaren kargu egiten diren aita eta/edo ama, baldin eta heriotza eta biziraupen pentsioa jasotzeko eskubidedun beste familiartekorik ez badago, eta beraiek ere ez baldin badute kausatzailearen heriotzak eragindako pentsiorik.

IGO

Zenbatekoa

• Ezkontide, izatezko bikote edo ohiko bikote dibortziatua, banandua edo ezkontza baliogabearekin:

• Alarguntasuneko pentsioaren oinarri arautzailearen  sei hileko.
• Onuradun bat baino gehiago izatekotan, kalte-ordainen banaketa alarguntasuneko pentsioa banatu den bezala burutuko da, bizirik dirauen ezkontidearen aldeko, edo, ezkontide izan gabe, kausatzailearekin bizi zenaren eta alarguntasuneko pentsioaren onuradun zenaren aldeko kalte-ordainaren %40ko bermarekin.
• Ezkontza baliogabetua duen onuradun bakarra bada, kalte-ordainaren zenbatekoa hildakoarekin ezkonduta bizi izan zen denborarekiko proportzionala izango da.
• Umezurtzak:

• Umezurtzako pentsioaren oinarri arautzailearen  hileko bat.
• Horrez gain, pentsioaren oinarri arautzailearen sei hileko sariak umezurtzen artean banatzetik sortutako kopurua ere gehituko da, baldin eta ezkontiderik, izatezko bikoterik edota kalte-ordaina jasotzeko ezkontide ohirik ez badago. 06-06-22tik aurrera, baldintza hau betetzen dela, hots, ezkontiderik ez dagoela uste da, umezurtzaren gurasoen arteko ezkontzarik ez bada.

• Aita edota ama:

• Arbaso bat bada, oinarri arautzailearen sei hileko.
• Bi gurasoak badira, oinarri arautzailearen hamabi hileko ordainsari.

Salbuespen gisa, pentsiodunak laneko gertakariek eragindako ezintasun iraunkorra  dela-eta hilez gero, kalte ordainaren zenbatekoa kausatzaileak hil zen garaian jasotzen zuen pentsioaren zenbatekoarekin kalkulatuko da.

IGO

Bateragarritasunak / Bateraezintasunak

• Ezkontidearen eta seme-alaben kalte ordainak bat egiten du horiei aitortutako alarguntza eta zurztasun pentsioekin.

• Aurrekoen kalte-ordainak bat egiten du horiei edo beste senitartekoei egoki dakiekeen heriotza edo biziraupeneko edozein pentsioarekin.