Gizarte Segurantza

Ukatzea, baliogabetzea eta etetea

Diru-laguntzarako eskubidea ukatu, deuseztatu edo eten daiteke, onuradunak ondokoa egiten badu:

• Laguntza lortzeko edo horri eusteko iruzur egiten badu.
  
  
• Atsedenaldiaren denboraldian norbere kontura edo besteren kontura lan egiten badu, salbu; lanaldi partzialeko amatasun laguntza jasotzen badu edo enplegu-aniztasun eta jarduera-aniztasun kasuetan.

Diru-laguntza jasotzeko epea atsedenaldi denboraldiarekin bat etorriko da. Atsedenaldia, zehazki, lanaldi partzialetik edo diru-laguntzarik eragiten ez duten lanetatik edo jardueretatik kanpokoa izango da.

IGO

Iraungipena

• Atsedenaldien gehienezko epemugak pasatzean.

• Atsedenaldia aitak edo amak "bakarrik" izaten duenean, atsedenaldi osoa bete baino lehen, diru-laguntzaren onuraduna borondatez lanera itzultzean  . Erditze kasuan, ama ezingo da lanera itzuli derrigorrezko atsedenaldiko 6 asteak pasatu arte.

• Aitak eta amak atsedenaldia aldi berean edo batak bestearen jarraian hartzen dutenean eta gurasoetako bat edo biak lanera borondatez itzultzean  atsedenaldi osoa bete aurretik . Erditze kasuan, ama ezingo da lanera itzuli derrigorrezko atsedenaldiko 6 asteak pasatu arte.

Kasu horretan, iraupen osoa betetzeko geratzen den zatiak beste gurasoak duen laguntzaren iraupena luzatuko du, seme-alaben edo etxean hartutako adingabeen heriotzaren kasurako ezarritakoa gorabehera, eta amak, erditzearen kasuan eta amatasunaren atsedenaldiaren hasieran eskubidea beste gurasoaren alde baliatzeko duen premia gorabehera.

• Onuraduna hiltzean, legalki edo erregelamenduz ezarritako baldintzen arabera, bizirik dagoen beste gurasoak gelditzen den atsedenaldia izaten jarraitu dezakeenean izan ezik.

• Onuradunak erretiroagatiko edo behin betiko ezintasunagatiko egoera eskuratzeagatik, geratzen den atsedenaldiaren zatia beste gurasoak baliatzeko eskubideari kalterik eragin gabe.

IGO