Gizarte Segurantza

Kotizatu beharra dutenek edo Gizarte Segurantzarekiko zorrak ordaintzera behartuta daudenek, oker egindako diru-sarreren zenbateko osoa edo partziala itzultzeko eskubidea dute.

Itzulketek berandutzako interesak barne dituzte, Gizarte Segurantzako Diruzaintza Orokorrean ordainketa egin den datatik ordainketa-proposamenaren data arte.

Maleziatsu ordaindutako kuotak edo errekurtsoak ez dira itzuliko.

Itzulketaren subjektua Gizarte Segurantzarekin zorretan balego edo geroratzea edo moratoria emanda balu, itzulketaren zenbatekoa ordaindu edo amortizatu gabeko zorrera aplikatuko da (abal generikoz bermatutako zorraren kasuan izan ezik).

Diru-sarreren itzulketa-eskaerak, ordaindu beharra duenaren helbidearen arabera, dagokion Gizarte Segurantzako Administraziora zuzenduko dira. Horrek kudeaketa Administrazio zehatz batean zentralizatuta balu, Administrazio hau izango da eskumena duena.

Honako Erregimen Berezietako langileak: Autonomoak, besteentzako lanean diharduten nekazariak, norberaren konturako Itsas Langileak, Etxeko langileak (etxeko titularrak eta aldikako langileak) eta Hitzarmen bereziak, guztiek eska dezakete haien kuotak itzultzea honakoaren bidez: Egoitza Elektronikoa >Hiritarrak>Ziurtagiri Digitalarekin edo SILCON ziurtagiriarekin Zerbitzuak > Kuoten itzulera

Zerbitzu honen bidez, eskaeraren tramitazioa nola doan ere begiratu ahalko dute. Hartan sartzeko, beharrezkoa da NAN elektronikoa edo Ziurtagiri digitala.

Enpresariek Gizarte Segurantzaren Diruzaintza Orokorrean eskatu beharko dute euren zein langileen aportazioen itzulketa, eta itzulketa efektiboki egiten zaienean itzuli beharko da. Hala ere, inoren konturako langileak zuzenean eska dezake Diruzaintza Orokorrean kuoten itzulketa, baldin eta enpresa desagertu balitz edo  itzulketa-eskaera egieari uko egingo balio.

Kuoten itzulketen eskubidea lau urtera preskribatuko da, ordaindu den egunetik aurrera zenbatuta.

Dokumentua	Fitxategia jaistea	Formatua	Neurria	Data
tc-13-1	| | | |	PDF	202 kb	03/11/2010