Gizarte Segurantza

Nork jaso ahal du Gizarte Segurantzako osasun-laguntza?

• Eskubidearen titular bezala, langileak (afiliatuta eta altan edota alta antzeko egoeran), pentsiodunak eta aldizkako prestazioen jasotzaileak, langabeziako prestazio eta subsidioak jasotzen dituztenak barne.
  
  
• Eskubidearen aurreko titularren konturako senideak edo parekatuak.
  
  
  • Ezkontidea.
  • Banaketa edo dibortzio datan, ezkontidearen kartilan diren banatu eta dibortziatuak, beti ere beste arrazoi batengatik osasun-laguntzarako eskubiderik ez dutenean.
  • Eskubidearen titularraren ezkontidea izan gabe, berarekin ezkontz-bizitzan elkarbizi dena, eskaera datatik gutxienez urte beteko aurrerapenaz, baita honen seme-alabak ere.
  • Ondorengoak (ezkontide bienak edo haietako batenak), adoptatutako seme-alabak, eta neba-arrebak.
  • Kasu berezi batzuetan, izatez hartutakoak, osasun laguntzarako eskubidea duten espainiarrek epe baterako hartutako ume atzerritarrak barne.
  • Titularraren eta ezkontidearen asabak, baita hurrengo ezteiengatik asaba hauen ezkontideak ere.

Guztiek bete behar dituzte ondoko baldintzak:

• Titularrarekin bizi eta bere kargura izan (banatuak eta dibortziatuak izan ezik).
• Diruz saritutako inolako lanik ez egitea, EAEAPren bikoitza baino gehiagoko ondare-errenta edo pentsiorik ez jasotzea.
• Titulu ezberdinagatik prestazio honetarako eskubiderik ez izatea.
  
  
• Osasun-laguntzarako eskubidea duten beste kolektibo batzuk: errekurtso ekonomiko nahikorik ez dutenak, ekintza terroristek eragindako pentsioen titularrak...

IGO

Langile baten Gizarte Segurantzako kartillan onuradun bezala dagoenak, prestazio-sanitarioetarako titularrak dituen eskubide berberak ditu?

Oro har, prestazio-sanitarioek eduki bera dute titularrarentzat (langileak eta pentsiodunak) zein bere kargura dituen onuradunentzat, kontingentzia lan-istripua edo laneko gaixotasuna izan denean izan ezik; izan ere, kasu hauetan asistentzia konplexuagoa da (kirurgia plastikoa eta konpontzailea...).

IGO

Dibortziatutako langilea, ezkondu gabe bere bikotearekin bizi dena. Sar dezake bere bikotea onuradun Gizarte Segurantzako kartilan, oraindik bere emazte ohia bertan bada lan egiten ez duelako?

Oro har, eta beti ere eskatutako baldintzak betez gero, eskubidearen titularraren ezkontidea izan gabe, berarekin ezkontz-bizitzan elkarbizi bada, eskaera data baino gutxienez urte bete lehenagotik, baita honen seme-alabek ere, osasun-laguntzarako eskubidea izango dute.

Pertsona hau onuradun sartzeak, ez du ustezko ezkontide ohiaren osasun-laguntzarako eskubidea aldatzen.

IGO