Seguridade Social

Fillos que dan dereito á prestación

Serán causantes os fillos nacidos ou adoptados por parto ou adopción múltiples, sempre que:

• O número de nacidos ou adoptados sexa igual ou superior a dous. Para estes efectos:

• Enténdese como nacido o feto con figura humana e que teña vivido 24 horas enteiramente desprendido do seo materno (art. 30 do Código Civil).

• Se algún dos fillos estivese afectado por unha discapacidade igual ou superior ao 33%, computará o dobre.  

• O nacemento ou a formalización da adopción se producise en España. Para estes efectos, reputarase producido en España o nacemento ou a adopción que teña lugar no estranxeiro cando se acredite que o fillo se integrou de maneira inmediata nun núcleo familiar con residencia en territorio español. 

SUBIR

Beneficiarios

As persoas que reúnan os seguintes requisitos:

• Residir legalmente en territorio español. Considérase cumprida esta condición no suposto de traballadores trasladados pola súa empresa fóra do territorio español, que se atopen en situación asimilada á de alta e coticen no correspondente réxime de Seguridade Social español.

• Non teñan dereito a prestacións desta mesma natureza en calquera outro réxime público de protección social.

SUBIR

Determinación do suxeito beneficiario

• Se existe convivencia dos proxenitores ou adoptantes, será beneficiario:

• Calquera deles, de común acordo. Presúmese que existe acordo, cando a prestación se solicite por un daqueles.
• A falta de acordo, será beneficiaria a nai.

• Se non existe convivencia dos proxenitores ou adoptantes, será beneficiario o que teña ao seu cargo a garda e custodia dos fillos.

• Cando os suxeitos causantes queden orfos dos dous proxenitores ou adoptantes ou sexan abandonados, será beneficiaria a persoa física que legalmente se faga cargo dos nacidos ou adoptados.

SUBIR

Contías

A prestación consiste nun pagamento único, cuxa contía será:

SMI MENSUAL: 641,40 euros

SMI DIARIO: 21,38 euros

SUBIR

Compatibilidades

A prestación por parto ou adopción múltiples é compatible con:

• A prestación por nacemento ou adopción de terceiro ou sucesivos fillos, causada por un mesmo suxeito.
• O subsidio especial de maternidade por parto ou adopción múltiples.
• As asignacións económicas por fillo ou menor acollido a cargo.
• A pensión de orfandade e en favor de netos e irmáns que, no seu caso, poidan corresponder.

SUBIR

Documentos que deben acompañar á solicitude

En todos os casos:

• Documento nacional de identidade do pai e da nai. Se son estranxeiros, tarxeta de residencia ou permiso de residencia no seu caso.

• Tarxeta de identificación fiscal.

• Libro de familia actualizado ou tarxeta non laboral dos fillos a cargo do estranxeiro residentes en España.

• Certificado do concello, relativo á residencia habitual dos pais.

Só se se atopa nalgunha destas situacións:

• Nos supostos de separación xudicial ou divorcio, se existe sentenza firme, deberá presentarse "testemuño da sentenza", se na mesma se asignase a custodia dos fillos, e "testemuño do convenio regulador" se é neste onde se asigna a garda e custodia.

• Se se atopa en trámite a separación ou divorcio, presentarase "testemuño da aprobación xudicial das medidas provisionais" no que se acorde a garda e custodia.

• No suposto de separación de feito, documentación que acredite tal circunstancia.

• Esta documentación pode presentarse en calquera dos centros de atención e información da Seguridade Social.

Documento	Descarga do ficheiro	Formato	Tamaño	Data
Formulario de solicitude		PDF	389 kb	30/10/2009

SUBIR